भारत र दक्षिण कोरियाबाट भित्रिन्छन् नेपालमा किया गाडी, यस्तो छ मूल्य सूची

नेपाली बजारमा कियाका गाडीहरु भारत र दक्षिण कोरियाबाट भित्रिने गरेका छन् । नेपालका लागि कियाको आधिकारिक वितरक कन्टिनेन्टल ट्रेडिङ इन्टरप्राइजेजले कियाका सोनेट, सेल्टोस र क्यारेन्स भारतबाट आयात गर्छ भने कियाका स्पोर्टेज, ईभी६ र सोरेन्टो भने दक्षिण कोरियाबाट आयात गर्ने गरेको छ ।

सामान्यतः एक करोड रुपैयाँ भन्दा कम मूल्यका कियाका सवारी साधन भारतबाट आउछन् भने महंगो मूल्यका सवारी साधन दक्षिण कोरियाबाट भित्रिने गरेका छन् ।

नेपालमा किया सोनेट विभिन्न चार भेरिएन्टमा उपलब्ध छ र यसको मूल्य ३९ लाख ९० हजार देखि ५९ लाख ९० हजार रुपैयाँ सम्म छ । त्यसैगरी किया सेल्टोस ४८ लाख ९० हजार देखि ८२ लाख ९० हजार रुपैयाँ सम्म छ ।

किया क्यारेन्स एक भेरिएन्टमा मात्र उपलब्ध छ र यसको मूल्य ५२ लाख ९० हजार रुपैयाँ छ ।

किया स्पोर्टेज एक्स–लाइन नेपाली बजारमा उपलब्ध छ र यसको मूल्य १ करोड २५ लाख ९० हजार रुपैयाँ छ । कियाको नेपाली बजारमा उपलब्ध इलेक्ट्रिक कार ईभी६ को मूल्य पनि १ करोड २५ लाख ९० हजार रुपैयाँ नै छ ।

नेपाली बजारमा उपलब्ध कियाको सबैभन्दा महंगो गाडी किया सोरेन्टो हो । यसको मूल्य १ करोड ८९ लाख ९० हजार रुपैयाँ छ ।