२०७८ जेठ ४ मंगलबार,

सुजुकी अर्टिगासँग प्रतिस्पर्धा गर्नका लागि किया र एमजीले ल्याउँदै छन् सस्तो एमभीपी

कम्प्याक्ट एसयूभी र प्रिमियम एसयूभी सेगमेन्टमा सेल्टोस, कार्निभल, हेक्टर र ग्लोस्टर जस्ता कारले भारतमा तहल्का मच्चाएपछि किया मोटर्स र एमजी मोटर्सले एमपीभी सेगमेन्टमा तहल्का मच्चाउने तयारी गरेका छन् ।

किया मोटर्स र ब्रिटिश कम्पनी एमजी मोटर्स भारतमा प्रवेश गरेको १ वर्ष पनि भएको छैन । हाल सम्म भारतमा एमजीले हेक्टर एसयूभी र कियाले सेल्टोस बिक्रीको नयाँ रेकर्ड बनाएको छ । त्यसपछि यी कम्पनीले अन्य कार पनि लन्च गरिसकेको छ । अब यी कम्पनी एमपीभी सेगमेन्टमा अन्य विकल्पको रुपमा प्रवेश गर्दैछन् ।

रिपोर्टका अनुसार कियाको एमपीभी सेल्टोसको बी–एसयूभी प्लेटफर्ममा आधारित हुनेछ । यसमा अल ह्वील ड्राइभ र इलेक्ट्रिक पावरट्रेन जस्ता सिस्टम समावेश गरिनेछ । कियाका अनुसार सो एसपीभीको क्याबिन ठूलो र कम मूल्यमा लन्च हुनेछ । रिपोर्ट अनुसार कियाको आउने नयाँ कार अर्काे वर्ष लन्च हुनेछ र यो भारतको आन्ध्र प्रदेश स्थित अनन्तपुर प्लान्टमा निर्माण हुनेछ ।

ब्रिटिश कार कम्पनी मोरिस ग्यारेजको भारतमा लन्च हुने एमपीभीको नाम एमजी ३६०एम रहेको छ । सो कार यो वर्ष अटो एक्सपोमा कम्पनीले प्रदर्शित गरेको थियो । सो कारको लन्चिङको आधिकारिक घोषणा कम्पनीले गरेको थिएन । अनुमानित रिपोर्ट अनुसार सो कार चीनमा बिक्री भइरहेको बाओजुङ ३६० एमपीभीको नयाँ भर्सन रहेको छ ।

एमजी ३६०एममा १.५ लिटरको टर्बाे पेट्रोल इन्जिन समावेश गरेको छ । जसले १०३ पीएसको पावर र १३५ एनएमको टर्क जेनेरेट गर्छ । कम्पनीले सो कारको अन्य भेरिएन्टमा पनि लन्च गर्ने सम्भावना रहेको छ । सो कारको लन्च अर्काे वर्ष हुनेछ । सो कारको मूल्य मारुती सुजुकी अर्टिगा समान हुनेछ ।

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...