किया केवाईको नाम हुनेछ किया क्यारेन्स : डिसेम्बर १६ मा सार्वजनिक हुने

कियाले केवाई कोडनेमबाट जानकारी सार्वजनिक गरिरहेको एमपीभीको नाम किया क्यारेन्स हुने भएको छ ।

किया इन्डियाले पहिले देखिको अनुमानलाई सही सावित गर्दै अफिसियल रुपमा यो नाम सार्वजनिक गरेको हो । किया क्यारेन्स आगामी डिसेम्बर १६ मा भारतमा ग्लोबल डेब्यु गरिने छ ।

परीक्षण गरिएको गाडी हेर्दा यसको डिजाइन सेल्टोस जस्तो र आउटलाइन २०२२ कार्निभल जस्तो देखिन्छ । यसमा थप सुविधाको रुपमा अपराइट बोनट हुने आशा गरिएको छ । ड्यासबोर्ड पनि आधुनिक हुनेछ । त्यसैरी थ्र्री रो सिटिङ हुनेछ र ६ वा ७ जना बस्न सकिने छ ।

किया सेल्टोसकै पावरट्रेन यसमा प्रयोग हुने अनुमान गरिएको छ । यसका आधारमा यसको मूल्य पनि सेल्टोसकै हाराहारी पर्ने अनुमान गर्न सकिन्छ ।