किया २.० अन्तर्गत पहिलो गाडी साइरोस ल्याउने तयारीमा किया

किया मोटर्सले गत महिना दुई प्रिमियम कार किया कार्निभल लिमोजिन र किया ईभी९ भारतीय बजारमा ल्याएको थियो र यस अवसरमा कम्पनीले आफ्नो नयाँ एसयूभीको बारेमा पनि जानकारी दिएको थियो । कियाले आफ्नो किया २.० एसयूभी अन्तर्गत आगामी समयमा नयाँ एसयूभी लन्च गर्ने तयारी गरिरहेको छ ।

किया इन्डियाले नोभेम्बर ११ मा किया २.० एसयूभी लाइनअपको पहिलो एसयूभी साइरोस चाँडै ल्‍याउने घोषणा गरेको छ । सो एसयूभीमा बोल्ड डिजाइन र एड्भान्स टेक्नोलोजीको साथमा उत्कृष्ट सेफ्टी फिचर र परफर्मेन्स हुनेछ । कियाले साइरोसको टिजर भिडियो पनि जारी गरेको छ ।

किया मोटर्सले अर्को वर्ष हुने मोबिलिटी एक्सपोमा किया साइरोस प्रदर्शन गर्न सक्ने अपेक्षा गरिएको छ । यद्यपि कम्पनीले यस सम्बन्धमा कुनै ठोस जानकारी दिएको छैन ।

हाल कियाले भारतीय बजारमा सब-४ मिटर कम्प्याक्ट एसयूभी सोनेट मार्फत बिक्री बढाइरहेको छ । साथै सेल्टोस र क्यारेन्सले पनि आफ्नो क्षेत्रमा राम्रो काम गरिरहेको छ । यसैबिच हालै लन्च गरिएको कार्निभल लिमोजिनले पनि राम्रै बुकिङ पाएको छ । कियाले यसको ईभी९ को साथ प्रिमियम इलेक्ट्रिक एसयूभी सेगमेन्टमा पनि राम्रो गरिरहेको छ । कियाले अब साइरोस मार्फत एसयूभी प्रेमीलाई उत्कृष्ट ड्राइभिङ अनुभव प्रदान गर्ने तयारी गरिरहेको छ।