किया ईभी६ र ईभी९ ईभी सहित यी हुन् नेपाली बजारमा उपलब्ध कियाका गाडी (मूल्य सूची सहित)

काठमाडौं – नेपाली बजारमा कियाका विभिन्न सवारी साधनहरु कन्टिनेन्टल ट्रेडिङ इन्टरप्राइजेजले बिक्री–वितरण गरिरहेको छ ।

नेपाली बजारमा किया ईभी९ र ईभी६ ईभी बिक्रीका लागि उपलब्ध भएको कम्पनीले सार्वजनिक गरेको छ । ईभी९ हालै नेपाल भित्रिएको इलेक्ट्रिक सवारी साधन हो । यसको मूल्य १ करोड ७९ लाख ९० हजार रुपैयाँ तोकिएको छ । त्यसैगरी किया ईभी६ को मूल्य १ करोड २५ लाख ९० हजार रुपैयाँ छ ।

नेपाली बजारमा उपलब्ध कियाको सबैभन्दा कम मूल्यको गाडी सोनेट हो । सोनेटको एक मात्र भेरिएन्ट सोनेट एचटीई छ । यसको मूल्य ३९ लाख ९० हजार रुपैयाँ छ ।

किया सेल्टोसका ८ भेरिएन्ट नेपाली बजारमा उपलब्ध छ । २०२४ मोडलको सेल्टोस एचटीके प्लसको मूल्य ६४ लाख ९० हजार रुपैयाँ छ । अन्य मोडलको मूल्य ६३ लाख ९० हजार देखि ८२ लाख ९० हजार रुपैयाँ सम्म छ ।

त्यसैगरी किया क्यारेन्स, स्पोर्टेज र सोरेन्टो पनि नेपाली बजारमा उपलब्ध छन् ।

नेपाली बजारमा उपलब्ध कियाको सबैभन्दा महंगो मूल्यको गाडी किया सोरेन्टो हाइब्रिड हो । यसको मूल्य १ करोड ८९ लाख ९० हजार रुपैयाँ छ ।