सिंगल चार्जमा ५१० किलोमिटरको रेन्ज दिने किया ईभी६, १८ मिनेटमा ८० प्रतिशत चार्ज हुने

कियाको पहिलो इलेक्ट्रिक कार ईभी६ ले ग्राहकहरुको तर्फबाट राम्रो प्रतिक्रिया पाएको छ । कम्पनीका अनुसार सो कार बिक्री भएका सुरुवातदेखि नै युरोपमा माग बढिरहेको छ । सो कारको माग ब्रिटेन, फ्रान्स, जर्मन सहित अन्य देश गरी कुल ७ हजार युनिट पुगेको छ । रिपोर्ट अनुसार सो कारको उत्पादन यही वर्षको मध्यदेखि सुरु हुनेछ ।

किया मोटर्सले सो क्रसओभर इलेक्ट्रिक कारे केही महिना अघि सार्वजनिक गरेको थियो । सो कारले पहिलो दिनमा नै २१ हजार १६ अर्डर पाएको थियो । दक्षिण कोरियामा सो इलेक्ट्रिक कारको ठूलो रेकर्ड माग थियो । सो इलेक्ट्रिक कार एक डेडिकेटेड प्लेटफर्ममा तयार पारिएको हो ।

किया ईभी६ ई–जीएमपी प्लेटफर्ममा तयार पारिएको हो । जहाँ विशेष गरी इलेक्ट्रिक कार निर्माण गरिन्छ । सोही प्लेटफर्म हुन्डाई आयोनिकमा प्रयोग गरिएको थियो ।

ईभी६ को लम्बाई ४६८० एमएम, चौडाई १८८० एमएम, उचाई १५५० एमएम र ह्वीलवेस २९०० एमएम रहेको छ । सो ईभीमा भएको दुई इलेक्ट्रिक मोटरको मदतले ५७७ एचपकिो पावर जेनेरेट गर्छ । सो कारले ० देखि १०० किलोमिटर प्रति घन्टाको स्पिड लिनको लागि ३.५ सेकेन्डको समय लिन्छ ।