भारतमा किया क्यारेन्स ग्लोबल डेब्यु : सबैभन्दा ठूलो ह्विलबेस, नयाँ डिजाइन ल्यांग्वेज

भारतमा किया क्यारेन्सको ग्लोबल डेब्यु गरिएको छ । यससँगै क्यारेन्सको बुकिङ खुल्ला गरिएको छ । आज एक कार्यक्रमका बीच कियाको चौथो कारको रुपमा भारतमा किया क्यारेन्स सार्वजनिक गरिएको हो ।

किया क्यारेन्स सार्वजनिक गरेसँगै भारतमा कियाले नयाँ ’अपोजिट्स युनाइटेड’ डिजाइन प्रस्तुत गरेको छ । यो भन्दा पहिले कियाले सेल्टोस, कार्निभल र सोनेट लन्च गरिसकेको छ र यी तीनैवटा कार भन्दा फरक डिजाइन ल्यांग्वेज यसमा प्रयोग गरिएको छ ।

कार र रिनेसेन्स जोडेर यसको नाम क्यारेन्स राखिएको हो । यसको अर्थ कारमा नयाँ युगको सुरुवात हुन्छ । भारतीय परिवारका लागि यो एउटा ‘रिक्रिएसनल भेइकल’ हुनेछ र यसले त्यस्ता आधुनिक परिवारलाई लक्ष्यित गरेको बताएको छ ।

किया क्यारेन्सलाई थ्री–रो भेइकल भनिएको छ, जुन हेर्दा एसयूभी जस्तै देखिन्छ । यसमा २,७८० एमएमको ह्विलबेस छ, जुन क्लास लिडिङ छ । ठूलो ह्विल आर्च, क्रोम गार्निस, स्ट्रेट लाइन र एलईडी लाइट टेक्नोलोजी यसको वाहिरी भागमा प्रयोग गरिएको छ । यसमा टाइगर नोज ग्रिलको स्लिकर भर्सन छ ।

यसमा अन्य कार भन्दा पुरै फरक ड्यासबोर्ड प्रयोग गरिएको छ । यसको साथै कारमा बडीको चारैतिर बडी क्लेडिङ जडान गरिएको छ, जसले यो कारलाई रफ र टफ लुक दिन्छ ।

कम्पनीले किया क्यारेन्सलाई किया सेल्टोस भन्दा फरक बनाउनका लागि अनौठो इन्टेरियर समावेश गरेको छ । माथिल्लो भेरिएन्टको कारमा १०.२५ इन्च र लोअर भेरिएन्टमा ८ इन्चको टचस्क्रिन इन्फोटेनमेन्ट स्क्रिन राखिएको छ । यसको तल्लो भागमा एसी भेन्ट्स इन्टिग्रेट गरिएको छ ।

क्याबिनलाई अपमार्केट वातावरण दिन चारैतिर विभिन्न प्लास्टिक बनावटहरू प्रयोग गरिएको छ । किया क्यारेन्समा क्याप्टेन सिट सहितको ६ सिट र बीचको रोमा ७ सिटर पेश गरिएको छ । सेकेन्ड रोमा इलेक्ट्रिकल्ली पावर दिन सकिने वान टच टम्बल डाउन फिचर छ, जुन फर्स्ट इन सेगमेन्ट फिचर हो ।

किया क्यारेन्समा डिजिटल ड्राइभर डिस्प्ले, यूभीओ कनेक्टेड कार टेक, एन्ड्रोइड अटो र एप्पल कारप्ले, वायरलेस फोन चार्जर, बोस साउन्ड सिस्टम, एम्बियन्ट लाइटिङ र पानोरामिक सनरुफ जस्ता फिचर समावेश गरिएको छ ।

यसको साथै कारमा पावर ड्राइभर सिटको फिचर पनि दिइएको छ । सेफ्टी फिचरमा एयरब्याग, ईबीडीको साथमा एबीएस, फ्रन्ट र रियर पार्किङ सेन्सर, ३६० डिग्री क्यामेरा, ब्लाइन्ड स्पट मोनिटर र इलेक्ट्रोनिक स्टेबिलिटी कन्ट्रोल जस्ता फिचर समावेश गरिएको छ । यसको सबै मोडलमा ६ एयरब्याग स्ट्यान्डर्डको रुपमा उपलब्ध हुनेछन् ।

किया क्यारेन्समा सेल्टोसमा प्रयोग गरिएको इन्जिन प्रयोग गरिएको छ । यसमा भएको १.५ लिटर फोर सिलिन्डर, नेचुरल्ली एस्पिरेटेड युनिटले ११५ एचपी पावर र १४४ एनएम टर्क दिन्छ भने १.४ लिटर फोर सिलिन्डर, टर्बोचार्ज्ड युनिटले १४० एचपी पावर र २४२ एनएम टर्क दिन्छ । त्यसैगरी १.५ लिटर फोर सिलिन्डर डिजेल इन्जिनले ११५ एचपी पावर र २५० एनएम टर्क जेनेरेट गर्छ ।

किया क्यारेन्समा हुन्डाई अल्काजारको २ लिटर पेट्रोल र १.५ लिटर डिजेल इन्जिन जडान गरिएको छ । पेट्रोल इन्जिनले १५९ बीएचपी पावर दिन्छ भने डिजेल इन्जिनले ११५ बीएचपी पावर दिन्छ ।

यसको दुबै इन्जिन ६ स्पिड म्यानुअल र ६ स्पिड टर्क कन्भर्टर अटोमेटिक गियरबक्सको विकल्पमा उपलब्ध रहेको छ । यसको १.५ लिटर नेचुरली एस्पिरेटेड पेट्रोल इन्जिन बेस–स्पेक भेरिएन्टको लागि दिन सकिन्छ, जसले ११५ बीएचपीको पावर प्रदान गर्छ । इन्जिन गियरबक्स र स्पेक सबै सेल्टोससँग मिल्दोजुल्दो छ ।

किया क्यारेन्स आगामी वर्ष अर्थात सन् २०२२ देखि बिक्रीका लागि उपलब्ध हुने बताइएको छ । यो वर्षको पहिलो त्रैमासिकमै यसको बिक्री प्रारम्भ गरिने र मूल्य पनि त्यति बेला नै थाहा हुनेछ । त्यसपछि नेपाली बजारमा पनि किया क्यारेन्स बिक्रीका लागि उपलब्ध हुने अनुमान गर्न सकिन्छ ।