भारतमा २ महिनामा ५० हजारभन्दा बढी किया क्यारेन्स बुकिङ, नेपालमा प्रतीक्षा

किया इन्डियाले फरवरी १५ मा नयाँ किया क्यारेन्स भारतमा लन्च गरेको थियो र जनवरी १४ बाट यसको प्रि–बुकिङ सुरु गरेको थियो । सो कारले दुई महिना भित्र ५० हजारभन्दा बढी बुकिङ गरी नयाँ कीर्तिमान बनाएको छ । कारको लन्चिङ देखि हालसम्म कम्पनीले क्यारेन्सका ५ हजार ३ सय युनिट डेलिभरी गरिसकेको छ ।

कम्पनीका अनुसार कारको पेट्रोल र डिजेल भेरिएन्टको माग समान रहेको छ । यसमा ५० प्रतिशत ग्राहकले डिजेल भेरिएन्ट रुचाएका छन् भने ३० प्रतिशत ग्राहकले यसको सबैभन्दा अटोमेटेड भेरिएन्ट रुचाएका छन् । ४० प्रतिशतभन्दा बढी बुकिङ टियर–३ र माथिका सहरबाट भएको कियाले बताएको छ, जबकि टियर–१ र टियर–२ शहरमा यसको ६० प्रतिशत बुकिङ छ । तीमध्ये क्यारेन्सका टप–स्पेक लक्जरी र लक्जरी प्लस भेरिएन्टको माग पनि उच्च रहेको छ ।

किया क्यारेन्समा ३ इन्जिनको विकल्प रहेको छ । पहिलो ११५ एचपीको १.५ लिटर पेट्रोल इन्जिन जसमा ६ स्पिड म्यानुअल गियरबक्ससँग जोडिएको छ । दोस्रो १४० एचपीको १.४ लिटर टर्बो पेट्रोल इन्जिन, जसमा ६ स्पिड म्यानुअल गियरबक्स र ७ स्पिड डीसीटीसँग जोडिएको छ । तेस्रो ११५ एचपीको १.५ लिटर डिजेल इन्जिन, जसमा ६ स्पिड म्यानुअल गियरबक्स र ६ स्पिड एटीसँग जोडिएको छ । नयाँ किया क्यारेन्सको मूल्य ८ लाख ९९ हजार देखि १६ लाख ९९ हजार भारुसम्म रहेको छ ।

नयाँ किया क्यारेन्समा १०.२५ इन्चको एचडी टचस्क्रिन डिस्प्ले, नेभिगेसनसँग नेक्स्ट–जेन किया कनेक्ट, ८ स्पिकरसहितको बोस प्रिमियम साउन्ड सिस्टम र ६४ रङको क्याबिन सराउन्ड मुड लाइट फिचरहरू छन् । यसको साथै कारमा भाइरस र ब्याक्टेरियाबाट सुरक्षाको लागि भेन्टिलेसन र स्काइलाइट सनरुफ सहितको स्मार्ट प्युरिफायर पनि उपलब्ध छ ।

नेपालमा प्रतीक्षा
नेपाली बजारमा पनि किया क्यारेन्स प्रतीक्षामा छ । नेपालका लागि कियाको आधिकारिक वितरक कन्टिनेन्टल ट्रेडिङ इन्टरप्राइजेजले यसलाई नेपाल ल्याउने तयारी गरिरहेको बताइएको छ । केही महिना भित्रै यो नेपाली बजारमा पनि आउने अपेक्षा गरिएको छ ।