अटो एक्सपो २०२३ मा किया, इभी ९ देखी पुलिस कारसम्म प्रदर्शन

भारतको नयाँ दिल्लीमा जारी अटो एक्सपो २०२३ मा कोरियन अटो निर्माता कियाले आधा दर्जन् बढी मोडलका कारहरु प्रदर्शन गरेको छ । कियाले फ्युचरिस्टिक डिजाइनको इभी९ कन्सेप्टदेखी पुलिस कारसम्म प्रदर्शनीमा राखेको हो ।

एक्सपोमा कियाले निकट भविष्यमा आउने तयारी भइरहेको नयाँ जेनेरेशन कार्निभल, कार्निभलमै आधारित एम्वुलेन्स, पुलिस कारको डेमो र विभिन्न प्रकारका किया मर्चेन्डाइजलाई समेत प्रदर्शनीमा राखेको छ । यसैगरी इभी६ को अल ह्विल ड्राइभ भेरिएन्ट, सेल्टोस जीटी लाइन र सेल्टोस एक्स लाइन सहित रेगुलर मोडल क्यारेन्स, सेल्टोस र सोनेटलाई समेत प्रदर्शनीमा राखेको छ ।

यसैवर्ष अन्तराष्ट्रिय बजारमा लन्च हुन गइरहेको इभी ९ लाई कियाले लगत्तै भारतीय बजारमा समेत उपलब्ध गराउने जनाएको छ । कियाले यो इभीमा ७७.४ किलोवाट आवरको व्याट्री प्याक जडान गरेको छ । यसको रेन्जका वारेमा भने कुनै जानकारी वाहिर आइसकेको छैन ।

८०० इलेक्ट्रिकल आर्किटेक्चरमा तयार भएको यो कारलाई ३५० किलोवाट सम्मको फास्ट चार्जरले २५ मिनेट भित्रमै १० देखी ८० प्रतिशतसम्म चार्ज गर्न सकिन्छ । यसमा डुअल मोटर र फोर ह्विल ड्राइभ समेत उपलब्ध हुन सक्ने अनुमान लगाइएको छ ।

एक्सपोमा राखिएको पुसिल कार प्रहरीका लागि लक्षित गरी निर्माण गर्न लागिएको हो । यो कारमा १.५ लिटरको डिजेल इन्जिन जडान गरिएको छ भने यसको पावर ११३ विएचपी रहेको जनाइएको छ । यो डेमो कार फ्रेन्च पुलिसले प्रयोग गर्दै आइरहेको कारसंग मिल्दोजुल्दो रहेको छ ।