३० वर्षमा कियाले अमेरिकामा बिक्री गर्यो १ करोड युनिट कार, इभी६ ले वनायो अन्तिम युनिटको रेकर्ड

कोरियन अटो निर्माता कियाले अमेरिका छिरेको ३० वर्षमा १ करोड युनिट कार विक्री गर्न सफल भएको छ । सन् १९८८ मा अमेरिका प्रवेश गरेको यो ब्रान्डको १ करोड संख्याको अन्तिम युनिट कार भने रातो रङको इभी६ वनेको छ । यो कार कियाको अमेरिकी बजारका लागी विशेष रहेको कम्पनीको भनाई छ ।

३० वर्षअघि सेफिया र स्पोर्टेज गरी कुल २ वटा मोडलमार्फत अमेरिका छिरेको यो ब्रान्डको शुरुमा जम्मा ४ वटामात्र डिलर रहेको थियो । हाल भने उसले टेलुराइड, सोल, सेल्टोस, निरो, स्पोर्टेज, सोरेन्टो, कार्निभल र इभी६ सहित अन्य थुप्रै मोडलका कारहरु एकसय भन्दा बढी डिलरमार्फत बिक्री गर्दै आइरहेको छ ।

कियाले अमेरिकामा सन् २०१० मा पहिलो ठूलो प्लान्ट स्थापना गरेर सवारीसाधन उत्पादन थालेको थियो । त्यसपछि विश्व बजारमा कहलिएका ठूला र प्रतिष्ठित ब्रान्डसंग प्रतिस्पर्धामा खरो रुपले उत्रिएको उसले अमेरिकी ग्राहकको विश्वास जित्दै आइरहेको छ । केही समयअघि मात्र लन्च गरिएको इलेक्ट्रिक कार इभी६ लाई अहिले सर्बाधिक रुचाउन थालिएको किया मोटर्सले जनाएको छ ।