नाइमा एक्सपोको आकर्षण : ७ सिटर किटोन ईभी भ्यान

काठमाडौं – राजधानीमा जारी नाइमा मोबिलिटी एक्सपो २०२५ मा किटोनको कर्पोरेट ईभी भ्यान चर्चामा रहेको छ । बैंक, इन्स्योरेन्स कम्पनी, हस्पिटल, मन्टेश्वरी, स्कुल, एयरलाइन, होटल लगायतका कर्पोरेट क्षेत्रले विभिन्न स्थानमा पिकअप, ड्रप गर्नका लागि सो ईभी भ्यान प्रयोग गर्न सक्छन् ।

नेपालका लागि आधिकारिक वितरकको रुपमा टाइम्स बिजनेसले सो ईभी भ्यान प्रदर्शन गरेको हो । यसमा ४२.३३ किलोवाट आवरको ब्लेड ब्याट्री रहेको छ । विश्व प्रसिद्ध ईभी निर्माता कम्पनीको रुपमा चर्चित बीवाईडीले समेत यही प्रविधिको ब्याट्री प्रयोग गर्छ ।

पहिलो पटक ईभी भ्यानमा समेत यो ब्याट्री प्रयोग भएको हो । यसले सिंगल चार्जमा ३०० किलोमिटर रेन्ज दिने बताइएको छ । यसको ग्राउन्ड क्लियरेन्स २२० एमएम छ भने ह्विलबेस २,७०० एमएम छ ।

यसमा ५० किलोवाटको मोटर रहेको छ भने यसले २१० एनएम टर्क जेनेरेट गर्छ । ७ सिटर सो ईभी भ्यानमा क्याप्टेन सिट रहेको छ । यसको मूल्य ३५ लाख ९० हजार रुपैयाँ रहेको छ । नाइमा एक्सपो अफरको रुपमा १ लाख रुपैयाँ छुट उपलब्ध हुने कम्पनीको भनाइ छ । कम्पनीले ७ वर्ष वा ४ लाख किलोमिटर गुड्दा सम्म वारेन्टी उपलब्ध गराउने बताएको छ ।

हाल बजारमा प्रचलित पेट्रोलियम पदार्थबाट चल्ने भ्यानलाई सो ईभी भ्यानले प्रतिस्थापन गर्न सक्ने सम्भावना देखिएको छ ।

किटोन २५ वर्ष भन्दा लामो समयको इतिहास भएको चिनियाँ कम्पनी हो, जसले वार्षिक रुपमा ३ लाख युनिट भन्दा बढी सवारी साधन उत्पादन गर्दै आएको छ । विश्वका २० भन्दा बढी देशमा यी सवारी साधन बिक्री हुन्छन् ।