काठमाडौं देखि हलेसी राइडका लागि राइडर प्रस्थान, ८० जना रोयल इन्फिल्ड राइडर सहभागी

काठमाडौं – रोयल इन्फिल्ड बाइकको आधिकारिक सर्भिस सेन्टर जिरो इन्जिनियरिङले आयोजना गरेको ‘काठमाडौं टु हलेसी राइड’ का लागि राइडरहरु प्रस्थान गरेका छन् । चाबहिलस्थित जिरो इन्जिनियरिङले शुभारम्भ गरेको सो राइड कार्यक्रममा ८० राइडर संलग्न छन् ।

राइडरहरु काठमाडौं देखि खुर्कोट, घुर्मी हुँदै हलेसी पुग्ने छन् । आज र भोलिका लागि आयोजना गरिएको सो राइडमार्फत सिन्धुलीको प्रगतिशील माध्यमिक विद्यालयलाई सहयोग समेत प्रदान गरिने छ ।

साथीत्व र भाइचाराको सम्बन्धलाई बढावा दिनका लागि सो राइड कार्यक्रमको आयोजना गरिएको जिरो इन्जिनियरिङले जनाएको छ । राइडरहरु सबै रोयल इन्फिल्ड मोटरसाइकलमा सवार छन् । उनीहरु शनिबार काठमाडौं फर्किने कार्यक्रम छ ।