२ लाख कम मूल्यमै सानो ईभी, अब मूल्य २० लाख ९६ हजार

काठमाडौं – केई ई–क्युट ०२ अब २० लाख ९६ हजार रुपैयाँमा उपलब्ध हुने भएको छ । यो भन्दा पहिले यसको वास्तविक मूल्य २२ लाख ९६ हजार रुपैयाँ रहेको थियो ।

नेपालका लागि केई ईभीको आधिकारिक वितरक जीओ अटोमोबाइल्स र लक्ष्मी ई–मोबिलिटीले हाल भृकुटीमण्डमा चलिरहेको नाइमा नेपाल मोबिलिटी एक्सपोमा यो गाडीमा भारी छुट उपलब्ध गराएका हुन् ।

४० किलोवाट मोटर र २८.०८ किलोवाट आवर ब्याट्रीयुक्त सो ईभीले सिंगल चार्जमा ३०० किलोमिटरको रेन्ज दिने बताइएको छ ।

ड्युअल एयरब्याग, एबीएस, एचएसी, आइसोफिक्स, स्टिल केज फ्रेम लगायतका सेफ्टी फर्स्ट फिचर रहेको केई ई–क्युट ०२ मा ३६० डिग्री भ्यु क्यामेरा, पुस स्टार्ट बटम लगायतका विभिन्न फिचर रहेका छन् ।

केई ई–क्युट ०२ मा १०.२५ इन्चको टचस्क्रिन, चार वटा ड्राइभिङ मोड, अटोमेटिक हेडल्याम्प, १५ इन्चको टायर, अटो विन्डो क्लोजिङ, रिमोट विन्डो कन्ट्रोल, कोलम ड्राइभ सिफ्टर, सेन्सर लकिङ र अनलकिङ, ड्राइभर आर्मरेष्ट लगायतका फिचर समेत रहेका छन् ।

कम मूल्य वाहेक ग्राहकले एक्सचेन्ज बोनस, ३.३ किलोवाट आवरको चार्जर, ६ वर्ष सम्म निःशुल्क सर्भिसिङ, ८ वर्षको ब्याट्री वारेन्टी तथा अटो प्लस इन्स्योरेन्स प्राप्त गर्नेछन् ।