९ लाख २५ हजार सम्मका जुमाभ ब्रान्डका डर्ट बाइक भित्रिदै नेपाल

काठमाडौं – नेपाली बजारमा चाइनिज ब्रान्ड जुमाभका विभिन्न मोडलका बाइक भित्रिने भएका छन् । नेपालका लागि आधिकारिक वितरकको रुपमा लाइटिङ मोटर्स प्रालिले यी बाइक भित्र्याउने भएको हो ।

जुमाभका तीन मोडल नेपाली बजारमा उपलब्ध हुनेछन् । ती मध्ये के५–सीबी२५०एफको मूल्य ४ लाख, एस८–एनसी२५० को मूल्य ९ लाख २५ हजार र के७–एनसी२५० को मूल्य ८ लाख ५० हजार रुपैयाँ हुनेछ ।

नेपाली बजारमा हाल क्रसफायर र क्रसएक्स लगायतका विभिन्न मोडलका डर्ट बाइक जस्तै डिजाइन यी बाइकको रहेको छ । यसका आधारमा आगामी दिनमा यिनै बाइकसँग यो ब्रान्डको प्रतिस्पर्धा हुनेछ ।

सन् २०१० मा स्थापना भएको जुमाभले विभिन्न मोडलका बाइक उत्पादन गर्दै आएको छ ।