जेएसडब्लू मोटर्सले अत्याधुनिक प्रविधिसहितको प्लग-इन हाइब्रिड एसयूभी जेटुर टी२ ल्याउँदै

जेएसडब्लू मोटर्सले आफ्नो पहिलो प्रिमियम एसयूभी जेटुर टी२ ल्याउने तयारी गरिरहेको छ।  कम्पनीले सो एसयूभी अक्टुबर-नोभेम्बर २०२६ मा लन्च गर्ने अपेक्षा गरिएको छ ।

जेएसडब्लू जेटुर टी२ मा १.५ लिटर टर्बो जीडीआई पेट्रोल इन्जिनसँग दुईवटा इलेक्ट्रिक मोटर जडान गरिएको प्लग-इन हाइब्रिड सिस्टम प्रयोग गरिनेछ। यसले संयुक्त रूपमा ३८१ बीएचपी पावर र ६१० एनएमको टर्क उत्पादन गर्नेछ । कम्पनीका अनुसार सो एसयूभीले ० देखि १०० किलोमिटर प्रतिघण्टाको गति केवल ७ सेकेन्डमा हासिल गर्न सक्छ ।

यसमा २६.७ किलोवाट आवर क्षमताको एलएफपी ब्याट्री प्याक पनि जडान गरिएको छ। फुल इलेक्ट्रिक मोडमा यसले १३९ किलोमिटर तथा पेट्रोल इन्जिन र इलेक्ट्रिक सिस्टमको संयुक्त प्रयोगमा सो एसयूभीले करिब १ हजार किलोमिटरभन्दा बढी रेन्ज दिने कम्पनीको दाबी छ। फास्ट चार्जरबाट यसको ब्याट्री करिब ३० मिनेटमा ३० प्रतिशतबाट ८० प्रतिशतसम्म चार्ज गर्न सकिन्छ ।

जेटुर टी२ मा १५.६ इन्चको टचस्क्रिन इन्फोटेनमेन्ट सिस्टम, १०.२५ इन्चको डिजिटल इन्स्ट्रयुमेन्ट क्लस्टर, सोनीको प्रिमियम साउन्ड सिस्टम, भेन्टिलेटेड, वायलेस मोबाइल चार्जिङ, प्यानोरामिक सनरुफ, ड्युअल-जोन क्लाइमेट कन्ट्रोल, ३६० डिग्री क्यामेरा, अडेप्टिभ क्रुज कन्ट्रोल, मल्टीपल एयरब्याग, इलेक्ट्रोनिक स्टेबिलिटी कन्ट्रोल र लेभल २ एडास जस्ता फिचर समावेश गरिएको छ ।

जेएसडब्लू मोटर्सले जेटुर टी२ को अनुमानित मूल्य ३५ लाखदेखि ४५ लाख भारुसम्म रहने अपेक्षा गरिएको छ। भारतीय बजारमा जेटुर टी२ ले टाटा सफारी, महिन्द्रा एक्सयूभी ७एक्सओ, स्कोडा कोडियाक, जिप मेरिडियन र टोयोटा फर्च्युनरजस्ता एसयूभीसँग प्रतिस्पर्धा गर्ने अनुमान गरिएको छ।