कर बढेपछि जगुआर ल्याण्ड रोभरले अमेरिकामा निर्यात रोक्यो

जगुआर ल्याण्ड रोभरले अमेरिकामा एक महिनाका लागि बेलायतमा निर्मित कारहरूको निर्यात रोक्ने निर्णय गरेको छ । राष्ट्रपति ट्रम्पले सबै आयातित कारहरूमा २५ प्रतिशत कर लगाउने घोषणा गरेपछि यो निर्णय आएको हो ।

ट्रम्पले हालै लागु गरेको कर नितीका कारण २ लाख मानिसहरूलाई प्रत्यक्ष रूपमा रोजगारी दिने बेलायती कार उद्योग ठूलो रूपमा प्रभावित भएको छ । उद्योग निकाय एसएमएमटीको तथ्याङ्क अनुसार, संयुक्त राज्य अमेरिका बेलायतमा निर्मित कारहरूको युरोपेली संघ पछि दोस्रो ठूलो आयातकर्ता हो । जसको हिस्सा २० प्रतिशत हाराहारी छ ।

ल्याण्ड रोभरले जारी गरेको विज्ञप्तिमा भनिएको छ, ‘अमेरिका लक्जरी ब्रान्डको लागि धेरै महत्त्वपूर्ण बजार थियो । ल्याण्ड रोभरले विश्वभर बिक्री गर्ने कुल ४ लाख गाडीमध्ये २५ प्रतिशत हिस्सा अमेरिकी बजारले लिँदै आएको थियो । जुन पूर्णरुपले प्रभावित बन्ने देखिएको छ ।’

आयातित कार र हल्का ट्रकहरूमा ट्रम्पको २५ प्रतिशत शुल्क अप्रिल ३, २०२५ देखी लागु भएको छ ।