जिपले नेक्सन र ब्रेजासँग प्रतिस्पर्धा गर्न कम्प्याक्ट एसयूभी ल्याउने

कम्प्याक्ट एसयूभीको बढ्दो मागलाई मध्यनजर राख्दै एसयूभीका लागि चर्चित कम्पनी जिपले पनि सो सेग्मेन्टमा नयाँ कार बजारमा ल्याउने निर्णय गरेको छ । जिपले आफ्नो कम्प्याक्ट एसयूभी २०२३ मा लन्च गर्न सक्ने अनुमान गरिएको छ । हाल बजारमा नेक्सन, ब्रेजा, भेन्यु र सोनेट जस्ता एसयूभी रहेका छन् ।

जिपले सो कारको मूल्य पनि मिडिल क्लासको पहुँच पुग्ने गरी राख्नेछ । यसको मूल्य करिब १० लाख भारु हुनसक्ने बताइएको छ । जिपले कम्प्याक्ट एसयूभी सेगमेन्टमा नेक्सन, ब्रेजा, भेन्यु र सोनेट जस्ता एसयूभी लागि कडा प्रतिस्पर्धा दिनेछ । जिप गुणस्तरीय विश्वस्तरीय कार उत्पादनका लागि प्रसिद्ध छ ।

जिपले कम्प्याक्ट एसयूभीमा अल ह्विल ड्राइभ सिस्टम पनि जडान गर्ने अनुमान गरिएको छ । कारको उत्पादन स्थानीय तहमा हुनेछ । यद्यपि कम्पनीले अहिलेसम्म यसबारे कुनै आधिकारिक घोषणा गरेको छैन न त कारको डिजाइन वा मूल्यबारे केही बताएको छ ।

जिपको सो एसयूभीमा एलईडी हेडल्याम्पका साथै एलईडी डीआरएल, एलईडी टेलल्याम्प, अलोय ह्विल, क्लाइमेट कन्ट्रोल एसी, सनरुफ, ६ एयरब्याग, स्मार्टफोन कनेक्टिभिटीसहितको इन्फोटेनमेन्ट सिस्टम जस्ता धेरै फिचर हुनेछ ।

जिपले यस कारमा पेट्रोल इन्जिन मात्र दिनेछ । कम्पनीले यसमा १.२ लिटर टर्बो पेट्रोल इन्जिन जडान गर्न सक्ने अनुमान गरिएको छ । सो इन्जिनले १०० बीएचपी पावर जेनेरेट गर्नेछ । साथै, यसले उत्कृष्ट माइलेज दिनेछ ।