अफरोडमा थारसँग प्रतिस्पर्धा गर्न जिपले मिनी एसयूभी ल्याउने

अमेरिकी कार निर्माता कम्पनी जिपले महिन्द्रा थारसँग प्रतिस्पर्धा गर्न मिनी एसयूभी पेश गर्ने तयारी गर्दैछ । रिपोर्टका अनुसार कम्पनीले अफरोड एसयूभीको मिनी भेरिएन्ट भारतमा लन्च गर्ने सम्भावना रहेको छ ।

यद्यपि भारतीय कार निर्माता महिन्द्राले धेरै एसयूभी ल्याएर बजारमा आफ्नो छाप छोडेको छ । महिन्द्रा थारले एसयूभीको डिजाइनका साथै अफरोड क्षमताका कारण बजारमा आफ्नो वर्चश्व कायम राखेको छ । मारुती जिम्नी र फोर्स गोर्खा आएपछि पनि महिन्द्रा थारको आकर्षण भने घटेको छैन ।

जिपको नयाँ कारमा -याङ्लर जस्तै डिजाइन हुनेछ । जिपको मिनी -याङलरमा अफरोडको फिचर पनि हुनेछ तथा थार जस्तै फ्रेम च्यासिस बडीमा आधारित हुनेछ । रिपोर्टका अनुसार सो एसयूभी पेट्रोल र डिजेल भेरिएन्टमा उपलब्ध हुनेछ । यसमा फोरह्विल ड्राइभको विकल्प पनि हुनेछ साथै राम्रो अफ–रोड परफमेन्सका लागि कारमा डिफरेन्सियल लकको फिचर पनि हुनेछ ।

जिप ¥याङ्लरलाई थारसँग प्रतिस्पर्धा गर्न पारिवारिक कारका रूपमा प्रस्तुत गर्ने योजना बनाइँदैछ । जिपको मिनी -याङ्लरमा वायरलेस चार्जिङ, इलेक्ट्रिक एड्जस्ट सिट, सिट भेन्टिलेसन, प्यानोरामिक सनरुफ र ड्युअल जोन अटोमेटिक क्लाइमेट कन्ट्रोल एसी जस्ता फिचर सहित ठूलो टचस्क्रिन इन्फोटेनमेन्ट सिस्टम हुनेछ ।