मुस्ताङबाट प्रस्थान गर्ने तयारीमा जेइको जे५ र जे६ ईभी

काठमाडौं पहिलो पटक मुस्ताङको कोरला नाकाबाट भित्रिएका जेइको जे५ र जे६ ईभी काठमाडौंका लागि प्रस्थान गर्ने तयारीमा छन् । रसुवा र तातोपानी नाका बाढी पहिरोले अबरुद्ध भए पछि सोमबार देखि यो नाका सञ्चालनमा आएको हो । त्यसपश्चात जेइको जे५ र जे६ ईभी पनि यही रुट हुँदै नेपाल भित्रिएका हुन् ।

मुस्ताङबाट यी गाडी प्रस्थान गरेका र अबको दुई दिन भित्रमा काठमाडौं भित्रिने ओमोडा एन्ड जेइकोको नेपालका लागि आधिकारिक वितरक एसपीजी अटोमोबाइल्सले जनाएको छ ।

नेपाली बजारमा जेइको जे६ पहिले देखि नै उपलब्ध थियो भने जे५ केही समय पहिले सम्पन्न नाइमा मोबिलिटी एक्सपो २०२५ मा पहिलो पटक सार्वजनिक गरिएको थियो ।

यी दुई गाडीमा हाल दशै तिहारको अवसरमा विशेष छुट समेत प्रदान गरिएको छ । एसपीजी अटोमोबाइल्स प्रालिले दशैं–तिहारको अवसरमा ‘फेस्टिभ राइड, मेगा ड्राइभ’ अभियान सुरु गरेको छ ।

अफर अन्तर्गत जेइको जे५ को मूल्य ५६ लाख ९९ हजार र जे६ को मूल्य ६५ लाख ९९ हजार रुपैयाँ तोकिएको छ । यो भन्दा पहिले यी दुई गाडीको मूल्य क्रमशः ६० लाख ९९ हजार र ६९ लाख ९९ हजार रुपैयाँ थियो । यस अफरमा एक्सचेञ्ज बोनस, ७ किलोवाट क्षमताको वाल चार्जर र १ वर्षको इन्स्योरेन्स पनि समावेश गरिएको छ । सीमित अवधिका लागि मात्र उपलब्ध हुनेछ यस अफरमा शर्त तथा नियम लागू हुने कम्पनीको भनाई छ ।

जेइको जे५ मा १५५ किलोवाट क्षमताको इलेक्ट्रिक मोटर र ५८.९ किलोवाट आवरको ब्याट्री प्याक जडान गरिएको छ, जसले एकपटकको चार्जमा ४०२ किलोमिटर रेन्ज प्रदान गर्छ ।

जेइको जे६ हल्का अफरोड एसयूभी हो, जसमा १३५ किलोवाट क्षमताको मोटर र ६५.६९ किलोवाट आवरको ब्याट्री प्याक जडान गरिएको छ । यस एसयुभीले एकपटकको फुल चार्जमा ४०० किलोमिटर रेन्ज दिने दाबी गरिएको छ ।