ज्योतिको भनाइ : स्टाइलिङ, फिचर र कलर कम्बिनेसनले हिरोको बजारलाई एक कदम माथि उठाउने छ

नेपाली बजारमा गत बिहीबार नयाँ हिरो माएस्ट्रो एज स्कुटर भित्रिएको छ । २ लाख १५ हजार रुपैयाँ मूल्य तोकिएको उक्त स्कुटरमा ब्लुटुथ र अन्य विभिन्न नयाँ फिचर उपलब्ध छन् ।

यसै सन्दर्भमा नेपालमा हिरोको यो स्कुटर र अन्य विभिन्न मोडलको बजार सम्भाव्यता तथा आगामी योजना वारेमा हिरोको नेपालका लागि आधिकारिक वितरक नेपाल जनरल मार्केटिङ प्रालिका अध्यक्ष अभिक ज्योतिसँग नेपाल अटोले गरेको कुराकानी प्रस्तुत गरिएको छ ।

हालै नेपाली बजारमा लन्च गरिएको नयाँ हिरो माएस्ट्रो एजको विशेषता के छ ?
नेपाली बजारमा हामीले नयाँ माएस्ट्रो एज स्कुटर लन्च गरेका छौ । नयाँ माएस्ट्रो एज ११० मा फर्स्ट इन सेगमेन्ट एलईडी प्रोजेक्टर हेडलाइट, फुल डिजिटल स्पिडोमिटर, आईथ्रीएस स्टार्ट स्टप प्रणाली, ब्लुटुथ कनेक्टिभिटी, कल अलर्ट र टर्न बाई टर्न नेभिगेसन सहित नयाँ सार्पर डिजाइन छ ।

फुल डिजिटल स्पिडोमिटर र ब्लुटुथ कनेक्टिभिटीले यसलाई प्राविधिक रुपमा उन्नत गराएको छ । टर्न बाई टर्न नेभिगेसनले सवारी चलाएर अगाडि बढ्दा महत्वपूर्ण जानकारी प्राप्त गर्न सजिलो भई कल अलर्ट समेत प्रदान गर्छ । आईथ्रीएस स्टार्ट स्टप सिस्टमले इन्धन बचत गर्न मद्दत गर्छ भने ग्राहकको सुविधाको लागि वाहिरबाटै पेट्रोल हाल्ने व्यवस्था पनि छ ।

नयाँ हिरो माएस्ट्रो एज ११० मा नयाँ आकर्षक स्लिकर डिजाइन भएको र सेगमेन्टकै पहिलो शक्तिशाली एलईडी प्रोजेक्टर हेडलाइट छ । स्कुटरको अगाडिको भाग सार्प बनाइएको छ ।

हाल उपलब्ध माएस्ट्रो एजले नेपाली स्कुटर बजारमा कस्तो परिवर्तन ल्याउने अपेक्षा गर्नुभएको छ ?
नेपाली बजारमा हिरोको स्कुटर बजार अपेक्षित रुपमा राम्रो हुन सकेको छैन । हामीले यो भन्दा पहिले प्लेजरलाई अपग्रेड गरिएको प्लेजर प्लस र प्लेजर प्लस प्लाटिनमका साथै डेस्टिनी १२५ समेत आए पछि केही सकारात्मक सन्देश प्रवाह भएको छ । अबको माएस्ट्रो एजमा भएको स्टाइलिङ, फिचर र कलर कम्बिनेसनले हिरोको स्कुटर बजारलाई एक कदम माथि उठाउने अपेक्षा गरेका छौ ।

अहिले हिरो माएस्ट्रो एज लन्च गर्नुभयो । अब आगामी दिनमा कुन मोडल लन्च गर्ने योजना बनाउनु भएको छ ?
आगामी दिनमा अब सबै बीएस६ इन्जिनयुक्त मोडल विस्तारै ल्याउने छौ । बैशाख देखि नै हामीले यस्ता मोडल ल्याउने तयारी गरेका हौ । केही ढिला भएको मात्र हो । भारतमा सबै लन्च भइसकेको छ । नेपालमा पनि एक सय सीसी देखि माथिका सबै स्प्लेन्डर प्लस देखि एक्सपल्स २०० र २००टी सम्म र सबै स्कुटर उपलब्ध हुने छन् ।

नेपाली बजारमा धेरै बिक्री हुने मोडल पर्छ एक्सपल्स २०० । भारतमा यसको अर्को भर्सन सार्वजनिक भइसकेको छ । नेपालमा कहिले सम्म उपलब्ध गराउने योजनामा हुनुहुन्छ ?
६ महिना भित्र हामी उपलब्ध गराउँछौ । यो अवधिमा अन्य मोडल समेत नेपाली बजारमा उपलब्ध गराउने छौ ।

हाल फेस्टिभ मौसम चलिरहेको छ । हिरोले पनि अन्य ब्रान्डले जस्तै विभिन्न स्किम उपलब्ध गराइरहेको छ । के छ हिरोको स्किम ?
हिरोले ‘दशैंंको बेला हिरोको मेला’ नामक योजना ल्याएको छ । यस योजना अन्तर्गत हिरो मोटरसाइकल तथा स्कुटर किन्ने ग्राहकले ६ हजार रुपैयाँ पक्का डिस्काउन्ट, स्क्रयाच कार्ड मार्फत १ लाख सम्म नगद पाउन सक्ने र बम्पर लक्की ड्रमार्फत एक जनाले १ लाख नगद पाउने छन् । साथै सबै हिरो मोटरसाइकल र स्कुटरमा शून्य प्रतिशत ब्याजमा ५० प्रतिशत फाइनान्स सुविधा पनि उपलब्ध रहेको छ । यो अफर आगामी छठ सम्म जारी रहने छ ।

आगामी दिनका लागि नेपाली बजारमा हिरोको कस्तो रणनीति हुनेछ ?
हामी अब बीएस६ मोडलमै बढी ध्यान केन्द्रीत गर्नेछौ । एक्स्ट्रिम १६०आर त पहिले देखि नै बीएस६ मा छ । अन्य मोडल पनि क्रमशः उपलब्ध गराउदै जानेछौ । बीएस६ इन्जिनयुक्त मोडलको स्टाइलिङ, ग्राफिक्स र टेक्नोलोजीमा परिवर्तन हुने भएकाले यसको मूल्य पनि बढ्छ । त्यही अनुसार सर्भिसिङमा पनि ध्यान दिनुपर्छ । हामीले यी सबैका लागि आवश्यक तयारी गरेर ग्राहकको चाहना अनुरुपका विभिन्न मोडल क्रमशः नेपाली बजारमा उपलब्ध गराउने छौ ।