भारतको पहिलो इलेक्ट्रिक उड्ने ट्याक्सी सार्वजनिक

भारतको पहिलो इलेक्ट्रिक उड्ने ट्याक्सी सार्बजनिक भएको छ । महिन्द्रा समूहका अध्यक्ष आनन्द महिन्द्राले सो ट्याक्सीको प्रोटोटाइप सार्वजनिक गरेका हुन् । फ्लाईङ ट्याक्सी आगामी वर्षदेखि पूर्णरुपमा सञ्चालनमा आउने अपेक्षा गरिएको छ ।

ई प्लेन ई २०० नाम दिइएको उक्त विद्युतीय ट्याक्सीलाई भारतीय प्रविधि संस्थान (आईआईटी) मद्रासको पहलमा ई प्लेन कम्पनीले विकास गरेको हो ।

दुई जनाले यात्रा गर्न मिल्ने सो ट्याक्सिलाई २०० किलोमिटर प्रतिघण्टाको उच्च गतीमा उडान सकन्छि भने १६० किलोमिटर प्रतिघण्टाको गतिमा गुडाउन सकिने बताइएको छ ।

इन्ट्रा–सिटी कम्युट र कार्गो यातायातमा प्रयोग गर्न सकिने उक्त ट्याक्सीले सडकमा हुने ट्राफिक जामलाई कम गर्ने आईआईटीको विश्वास छ । छिट्टै यसको व्यावसायिक उत्पादन सुरु हुने मिडिया रिपोर्टमा उल्लेख गरिएको छ ।