जुलाई महिनामा दश प्रतिशतले बढ्यो भारतमा सवारीको बिक्री, मारुती सुजुकीको सबैभन्दा बढी

काठमाडौँ । भारतको फेडरेशन अफ अटोमोबाइल्स डिर्लसिप एशोसिएशनले २०२३ जुलाई महिनामा बिक्री भएका सवारी साधनको रिर्पोट सार्वजनिक गरेको छ ।

सार्वजनिक रिर्पोटका अनुसार गत वर्ष २०२२ जुलाईकाे भन्दा यस वर्ष दश प्रतिशत बढीले सवारी बिक्री भएको छ । यो वर्षको जुलाईमा १७ लाख ७० हजार १८१ सवारी बिक्री भएका छन् भने अघिल्लो वर्ष १७ लाख ९ हजार २१७ सवारी साधन बिक्री भएकाे तंथ्याकले देखाएकाे छ ।

रिर्पोटका अनुसार मारुती सुजुकीको मात्र १ लाख १७ हजार वटा कार बिक्री गरेको छ जुन सबैभन्दा बढी रहेको छ । योसँगै मारुती सुजुकीको मार्केट शेयर ३७.०७ प्रतिशतबाट ४१.३९ प्रतिशत बढेको छ ।

त्यस्तै हुन्डाई मोटरले ४० हजार ९४५, टाटा मोर्टसले ३९ हजार ३३, महिन्द्रा एन्ड महिन्द्राले २८ हजार ७७८, टोयटा किर्लोस्कर मोटरले १५ हजार ३५७, किया मोर्टसले १४ हजार ३३८, स्कोडा अटोले ६ हजार ९८६, होन्डा कोर्सले ४ हजार ३३०, एमजी मोटरले ४ हजार २२१ र रोनाल्टले ३ हजार ८७३ वटा चार पाङ्ग्रे सवारी जुलाई महिनामा बिक्री गरेको तंथ्याकले देखाएको छ ।

दुई पाङ्ग्रे सवारीको तंथ्याक हेर्दा हिरो मोटरले ३ लाख ६१ हजार सवारी बिक्री गरेको छ जुन दुई पाङ्ग्रे सवारी मध्ये अत्यन्तै उच्च रहेको छ । तीन पाङ्ग्रे सवारी साधनमा भने बजाज अटोले सबैभन्दा बढी बिक्री गरेको छ जसमा ३१ हजार ४५३ वटा सवारी बिक्री गरेको तंथ्याकले देखाएको छ ।