आफ्नै ईभी प्रविधि बिकास गरेर चीन माथिको निर्भरता कम गर्दै भारत, १४ हजार करोड अनुदान दिने

भारत सरकारले आफ्नो आत्मनिर्भर पहलको एक भागको रूपमा ब्याट्री प्रविधि, पावर इलेक्ट्रोनिक्स र चार्जिङ पूर्वाधार विकास गर्न अनुदान दिने भएको छ । आपूर्ति श्रृंखलामा चीन माथिको निर्भरता कम गर्न र स्वदेशी विद्युतीय सवारी प्रविधिको विकासलाई बढावा दिन १४ हजार करोड भारु अनुदान दिन लागिएको हो ।

यसका लागि प्रधानमन्त्रिको नेतृत्वमा त्यहँको विज्ञान प्रविधि विभाग र अनुसन्धन राष्ट्रिय अनुसन्धान प्रतिष्ठानले ब्याट्री प्रविधि, पावर इलेक्ट्रोनिक्स र चार्जिङ पूर्वाधार समावेश ईभी इकोसिस्टम विकास गर्न एक कार्यक्रम सुरु गर्ने जनाइएको छ ।

सरकारले देशमा अनुसन्धान र विकास संस्कृतिलाई अगाडि बढाउन आगामी ५ वर्षका लागि १४ हजार करोड रुपैयाँ विनियोजन गरेको हो । उक्त प्रतिष्ठानले कम्तिमा आगामी ३ वर्षमा ब्याट्री प्रविधि र कम्पोनेन्टको विकासलाई अगाडि बढाउने आशा राखेको छ । साथै, चर्जिङ पूर्वाधार र पावर इलेक्ट्रोनिक्सको संजला विस्ता गर्दै जाने दीर्घकालीन लक्ष्यहरू समेत राखिएको छ ।

सो प्रतिष्ठानका प्रमुख कार्यकारी अभय करन्दिकरका अनुसार अहिले आयात गरिएका विद्युतीय सवारी साधन र कम्पोनेन्टको स्वदेशी उत्पादनलाई प्रवद्र्धन गर्न यो कार्यक्रम सुरु गरिएको हो । ‘हामी हाल चीन र अन्य देशबाट आपूर्ति श्रृंखलामा निर्भर छौं । यस परियोजनाले आत्मनिर्भर बन्न सहयोग पुर्याउँदै भारतलाई ईभी उत्पादनको हव बनाउने मद्धत गर्नेछ’ उनले भने ।