नेपालका प्रमुख ८ सहरमा एकसाथ लन्च भयो आईकार भी२३

काठामाडौं–आईकार भी२३ को नेपालका लागि आधिकारिक वितरक एसपिजी अटोमोबाइल्स प्रालिले एकैपटक देशका प्रमुख ८ सहरमा भी२३ लन्च गरेको छ ।

कम्पनीले विहिबार बिर्तामोड, विराटनगर, वीरगंज, बुटवल, दाङ, सुर्खेत, नेपालगंज र धनगढीमा आफ्नो नयाँ लाइफस्टाइल इलेक्ट्रिक एसयुभी आईकार भी२३ लाई एकसाथ लन्च गरेको हो ।

उक्त लन्चले नेपाली अटोमोबाइल इतिहासमा एक ऐतिहासिक उपलब्धि हासिल गरेको कम्पनीले बताएको छ । यस कारको मूल्य ४९ लाख ९९ हजार रुपैयाँ निर्धारण गरिएको छ ।

क्लासिक डिजाइन र आधुनिक प्रविधिको संगम आईकार भी२३ एक रेट्रो प्रेरित, पूर्ण इलेक्ट्रिक अफ–रोड एसयुभी हो, जसले क्लासिक रफ डिजाइन र अत्याधुनिक प्रविधिलाई सन्तुलित रूपमा प्रस्तुत गर्दछ ।

यसमा ५९.९३ किलोवाट आवरको एलएफपी ब्याट्री र १०० किलोवाट क्षमताको मोटर जडान गरिएको छ, जसले ४०१ किमी (सिएलटीसी) सम्मको रेन्ज प्रदान गर्ने दाबी गरिएको छ ।

आकर्षक ‘बक्सी’ लुक्स, क्लासिक गोलो हेडलाइट र २१० एमएमको उत्कृष्ट ग्राउन्ड क्लियरेन्सले यसलाई सहर र अफ–रोड दुवैका लागि उपयुक्त बनाएको छ । गाडीमा १३.२ इन्चको प्रिमियम इन्फोटेनमेन्ट डिस्प्ले र सुरक्षाका लागि लेभल २ को एड्भान्स्ड ड्राइभर असिस्टेन्स सिस्टम (एडास) जडान गरिएको छ ।

हाल नेपालभर १८ भन्दा बढी नेटवर्क टच पोइन्ट र २१ भन्दा बढी चार्जिङ स्टेशनहरू स्थापना गरिसकेको एसपिजी अटोमोबाइल्सले नेपालमा ’ग्रीन इनर्जी’ सवारीसाधनको प्रयोगलाई प्रोत्साहन गरिरहेको छ । प्रि–बुकिङ गरेका ग्राहकका लागि देशभरका शोरुम र आधिकारिक डिलरहरूमार्फत गाडीको डेलिभरी तुरुन्तै सुरु गरिने कम्पनीले बताएको छ ।