हुन्डाई एक्सटरको स्पेसिफिकेसन सार्वजनिक : ४० बढी सेफ्टी फिचर र सबै भेरिएन्टमा ६ एयरब्याग

हुन्डाई मोटर इन्डियाले एक्सटरको स्पेसिफिकेसन सार्वजनिक गरेको छ । एक्सटर सबै भेरिएन्टमा ६ एयरब्याग समावेश भएको भारतको पहिलो सब ४ मिटर एसयूभी भएको कम्पनीको दाबी छ । कारमा ४० भन्दा बढी सेफ्टी फिचर र ६० भन्दा बढी ब्लुलिंक कनेक्टिेड फिचर रहेको छ ।

कम्पनीले एक्सटरको बुकिङ पनि सुरु गरिसकेको छ । यो कार भारतमा जुलाई १० मा ईएस, एस, एसएक्स, एसएक्सओ र एसएक्सओ कनेक्टसहित ५ वटा ट्रिम विकल्पमा लन्च हुनेछ ।

हुन्डाई एक्सटरमा पावरका लागि ४ सिलिन्डरका २ वटा इन्जिनको विकल्प उपलब्ध छ । पहिलो १.२ लिटर एस्पिरेटेड काप्पा पेट्रोल इन्जिन, जसले ८२ बीएचपी पावर र ११३ एनएम टर्क जेनेरेट गर्छ । सो इन्जिनलाई ५ स्पिड म्यानुअल ट्रान्समिसन र स्मार्ट एएमटी गियरबक्ससँग जोडिएको छ । दोस्रो १.२ लिटरको बाई फ्युल कप्पा पेट्रोल सीएनजी इन्जिन जडान गरिएको छ । सो इन्जिन ५ स्पिड म्यानुअल ट्रान्समिसनसँग जोडिएको छ ।

एक्सटरमा इलेक्ट्रोनिक स्टेबिलिटी कन्ट्रोल, भेइकल स्टेबिलिटी म्यानेजमेन्ट र हिल असिस्ट कन्ट्रोलजस्ता फिचर समावेश छ । यस बाहेक ३ प्वाइन्ट रियर सिट बेल्ट र सिटबेल्ट रिमाइन्डर, किलेस इन्ट्री, एबीएस, ईबीडी, ईएसएस र रियर पार्किङ सेन्सर जस्ता सेफ्टी फिचर समावेश छ ।

सेफ्टीमा बेन्चमार्क सेट गर्न कम्पनीले एक्सटरमा ४० भन्दा बढी एड्भान्स सेफ्टी फिचर प्रदान गरेको छ, जसमा हेडल्याम्प एस्कर्ट फङसन, अटो हेडल्याम्प, चाइल्ड आईएसओफिक्स सिट, रियर डिफोगर र रियर पार्किङ क्यामेरा समावेश छ । यस बाहेक कारमा ड्युअल क्यामेरासहितको ड्यासक्याम, टीपीएमएस र बर्गलर अलार्म फस्ट सेफ्टी फिचर उपलब्ध छ ।

सो एसयूभी मिनी एसयूभी सेग्मेन्टमा भ्वाइस कमाण्डसहितको स्मार्ट इलेक्ट्रिक सनरुफ र ड्युअल क्यामेरासहितको ड्यासक्याम भएको पहिलो कार हुनेछ । ड्यासक्यामसँग २.३१ इन्चको एलसीडी डिस्प्ले उपलब्ध हुनेछ

एक्सटरमा हिन्दी र अंग्रेजी कमाण्डसहित होम टु कार एलेक्सा पनि समावेश छ । एक्सटरको ड्यासबोर्ड ग्रान्ड आई१० नियोस र औरा जस्तै मिल्दोजुल्दो छ । यसमा एन्ड्रोइड अटो, एप्पल कारप्ले र हुन्डाईको ब्लुलिंक जडान भएको कनेक्टेड कार टेक्निकको साथ ८.० इन्चको टचस्क्रिन इन्फोटेनमेन्ट सिस्टम पनि छ । यसलाई १० भन्दा बढी भाषामा कस्टमाइज गर्न सकिन्छ ।

कारको एक्सटेरियरतिर फ्रन्टमा एच आकारको एलईडी डेटाइम रनिङ लाइट जडान गरिएको छ । कम्पनीले कारमा फरक डिजाइनसहितको नयाँ ग्रिल दिएको छ । यसमा एलईडी प्रोजेक्टर हेडल्याम्प उपलब्ध छ ।

सम्बन्धित समाचारहरू

हुन्डाईको कार लन्च हुनुअघि नै तस्विर लिक, विश्वभर भाइरल !

हुन्डाईको कार लन्च हुनुअघि नै तस्विर लिक, विश्वभर भाइरल !

लामो समयदेखि प्रतीक्षित हुन्डाईको आई२० फेसलिफ्ट मोडलको इन्टेरियर र...

हुन्डाईले ल्यायो हाइवे एसुरेन्स : हाइवेमा गाडीको फ्रि चेक अप गर्न सकिने

हुन्डाईले ल्यायो हाइवे एसुरेन्स : हाइवेमा गाडीको फ्रि चेक अप गर्न सकिने

काठमाडौं – नेपालका लागि हुन्डाई गाडीको अधिकृत बिक्रेता लक्ष्मी...

लामो समय कुर्नुपर्ने भएपछि क्रेटाको बिकल्प बन्दै अल्काजार

लामो समय कुर्नुपर्ने भएपछि क्रेटाको बिकल्प बन्दै अल्काजार

बिश्वब्यापी सेमिकन्डक्टर अभाव र कोभीड महामारीका कारण उत्पादन कटौती...

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...