परिक्षणका क्रममा देखियो भर्ना फेसलिफ्टको इन्टेरियर, नयाँ स्टेयरिङ ह्विलका साथ यस्तो हुनेछ कार

हुन्डाईले केही समयदेखि भर्ना फेसलिफ्टको परीक्षण गरिरहेको छ । हालै, दक्षिण कोरियाको पार्किङ स्थलमा भेटिएको परिक्षण कारबाट यो सेडन कार निकै सुबिधासम्न्न बनेर आउने अनुमान गरिएको छ । जसमा, नयाँ स्टेयरिङ ह्विलका साथ थप आकर्षक र सुबिधासम्पन्न फिचर थप गरिएको प्रष्ट हुन्छ ।

साथै, भर्ना फेसलिफ्टमा अपडेट गरिएको भेन्यू जस्तै डुअल–स्क्रिन सेटअप हुनेछ । यसमा स्क्वायर हब डिजाइनको साथ नयाँ फ्ल्याट–वटम स्टेयरिङ ह्विल पनि हुनेछ ।

तस्बिरमा देखाइएको परीक्षण कार १.५–लिटर टर्बो–पेट्रोल संस्करण हो, जसमा रातो एक्सेन्टसहितको पूर्ण–कालो इन्टेरियर, रातो स्टिचिङ भएको छालाले बेरिएको स्टेयरिङ ह्वील र स्पोर्टी एल्युमिनियम पेडलहरू हुने सम्भावना छ ।

भेर्नाको फेसलिफ्टमा १.५–लिटर प्राकृतिक रूपमा एस्पिरेटेड पेट्रोल इन्जिन पनि प्रस्ताव गरिनेछ, जबकि ट्रान्समिसन विकल्पहरूमा ६ स्पिड म्यानुअल, सिभिटी र ७ स्पिड डिसिटी म्ऋत् समावेश हुनेछ ।