नयाँ कलर अप्सन र ६ ड्राइभिङ मोड सहित हुन्डाई भेन्युको नयाँ मोडल लन्च

हुन्डाईले आफ्नो लोकप्रिय मिनी एसयूभी भेन्युको नयाँ मोडल लन्च गरेको छ । भेन्यु अब ग्रे, टिफनी ब्लु, जेनिफर वोंगर, सुपर सर्किल पाउडर र ह्वाइट ब्ल्याक रङमा पनि उपलब्ध हुने भएको छ ।

नयाँ मोडलमा प्रयोग गरिएको रङ ब्रिटिश थिमको आधारमा समावेश गरिएको हो । यसमा जेनिफर वोंगरको अर्थ यल्लो र सुपर सर्किल पाउडरको अर्थ पिंक भन्ने बुझिन्छ ।

भेन्युको नयाँ मोडलमा ६ ड्राइभिङ मोड समावेश छ । सो एसयूभीको सिट पार्ट लेदर र पार्ट चेकर्ड वुलन फेब्रिकको साथमा उपलब्ध छ । साथै यसमा ड्युअल कलर टोन ओआरभीएमएस पनि समावेश छ ।

ताइवानमा लन्च भएको हुन्डाई भेन्युमा १.६ लिटर, ४ सिलिन्डर एनए पेट्रोल इन्जिन जडान छ । सो इन्जिनले १२० बीएचपीको पावर र १५४ एनएमको टर्क जेनेरेट गर्छ । सो इन्जिनलाई ८ स्टेप ६टी ट्रान्समिसनसँग जोडिएको छ । भेन्यु ताइवान स्पेकमा १७ इन्चको अलोय ह्विल उपलब्ध छ ।

ताइवान स्पेक मोडलमा पुरानो स्टेयरिङ ह्विल उपलब्ध छ । सो मोडल हुन्डाई स्मार्टसेन्स एडीएएस टेक्नोलोजीको साथमा उपलब्ध छ ।