कोरियामा पहिलो इभी डेडिकेटेड फ्याक्ट्री खोल्दै हुन्डाई

हुन्डाइले कोरियामा आफ्नो पहिलो इभी डेडिकेटेड फ्याक्ट्री खोल्ने जनाएको छ । विगत केही वर्षयता इलेक्ट्रिक कारको उत्पादन गर्दै आइरहेको हुन्डाइले कोना र आयोनिक ५ लाई हाल संचालनमा आइरहेको इभी सुविधासहितको विभिन्न प्लान्टबाट उत्पादन गर्दै आइरहेको थियो । साथै उसले अवको केही समयपछि अयोनिक ६ समेत लन्च गर्ने तयारी गरिरहेको छ ।

यो नयाँ प्लान्ट अवको ३ वर्षपछि संचालनमा आउने कम्पनीको भनाई छ । जसका लागी उसले ४८ अर्व डलर लागनी गर्नेछ । यो हुन्डाइको दोस्रो इभी डेडिकेटेड प्लान्ट हुनेछ । उसले अहिले अमेरिकाको जर्जियामा पनि इभी डेडिकेटेड फ्याक्ट्री निर्माण गरिरहेको छ । ५ अर्व डलर लगानी गरेर निर्माण गरिरहेको यो प्लान्टबाट उसले व्याट्री समेत उत्पादन गर्ने लक्ष्य लिएको छ ।

जसको निर्माण अर्को वर्ष सम्पन्न हुने भएपनि यो प्लान्टबाट इभीको उत्पादन भने कोरियन प्लान्टसंगै गर्ने बताइएको छ ।
इलेक्ट्रिक भेइकलको खोज एवं अनुसन्धान तथा निर्माणमा आक्रमक वनिरहेको हुन्डाइले सन् २०३० देखी हरेक वर्ष ३० लाख भन्दा बढी इभी बिक्री गर्ने लक्ष्य लिएको छ । जसका लागी उसले ठूलो धनराशी खर्च गर्ने उद्घोष समेत गरिसकेको छ ।