नयाँ भेन्युको फेसलिफ्ट भर्सन आउँदै, एडास फिचरले सुसज्जित हुने

हुन्डाईले कम्प्याक्ट एसयूभी सेगमेन्टमा भेन्यु फेसलिफ्ट सार्वजनिक गर्ने तयारी गरिरहेको छ । यसबारे कम्पनीले अहिलेसम्म आधिकारिक जानकारी दिएको छैन तर मिडिया रिपोर्टका अनुसार एसयूभीको फेसलिफ्ट भर्सनमा धेरै महत्वपूर्ण परिवर्तनहरू गरिने बताइएको छ ।

रिपोर्टका अनुसार एसयूभीको फेसलिफ्ट नयाँ प्लेटफर्ममा बनाउने सम्भावना छ । एसयूभीमा नयाँ फ्रन्ट ग्रिल, एलईडी लाइट, नयाँ प्रविधि र फिचर्स दिइएको छ । यसमा नयाँ इन्फोटेनमेन्ट सिस्टम, कार कनेक्टिभ प्रविधिसहितको नयाँ ड्यासबोर्ड पनि दिन सकिन्छ । साथै एडास जस्ता सेफ्टी फिचरले सुसज्जित हुनेछ ।

अहिले प्राप्त जानकारी अनुसार नयाँ भेन्यु फेसलिफ्टको इन्जिनमा कुनै परिवर्तन हुने सम्भावना छैन । यसमा हालको संस्करणको इन्जिन विकल्प मात्र दिन सकिन्छ। तर सो एसयूभीमा हाइब्रिड प्रविधि पनि ल्याउन सकिने सम्भावना रहेको छ, जसका कारण यसको माइलेज धेरै राम्रो हुनेछ ।

मिडिया रिपोर्टका अनुसार सन् २०२५ मा फेस्टिभ सिजन सुरु हुनुअघि नै हुन्डाईले यसको फेसलिफ्ट ल्याउन सक्छ ।