भारतमा हुन्डाईले आईपीओ जारी गर्ने, आईपीओको कारण हुन्डाई कारको बिक्रीमा बढोत्तरी

दक्षिण कोरियाको अटो कम्पनी हुन्डाई यति बेला चर्चामा छ । चर्चामा आउनुको कारण कम्पनीको कुनै गाडी नभई उसको आईपीओ हो । केही दिन अघि कम्पनीले आईपीओ निकाल्ने खबर आएको थियो । अब आईपीओले भारतमा कम्पनीको बिक्री आंकडामा पनि असर गरिरहेको छ । कम्पनीले बिक्रीको हिसाबले नयाँ कोसे ढुङ्गा हासिल गरेको छ । यस पटक कम्पनीले अघिल्लो पटकभन्दा धेरै सवारीसाधन बिक्री गरेको छ । 

हुन्डाई मोटरले यो वर्षको पहिलो ६ महिनामा भारतमा आफ्नो बिक्री रेकर्ड छोएको छ । रिपोर्टका अनुसार हुन्डाईले यस वर्षको जनवरीदेखि जुनसम्म भारतमा २ लाख ७२ हजार २०७ युनिट कार बिक्री गरेको छ, जुन २०२३ को सोही अवधिमा बिक्री गरेको युनिटको तुलनामा २ प्रतिशतले बढी हो । कम्पनीले पहिलो पटक भारतमा सबैभन्दा बढी बिक्रीको आँकडा पार गरेको हो ।

हुन्डाईले विगत केही वर्ष यता भारतमा आफ्नो कार बिक्रीमा लगातार गिरावट देखाएको छ, सन् २०२१ मा १७ प्रतिशत र सन् २०२३ सम्म १४.१ प्रतिशत घटेको थियो । तर, कम्पनीले आईपीओ ल्याउने कुरा गरेसँगै यसको असर बिक्रीमा पनि देखिएको छ ।

गत महिना कम्पनीले भारतमा आईपीओको लागि आवेदन दिएको घोषणा गरेको थियो । विज्ञहरू कम्पनीको यो कदमले आफ्नो बिक्रीलाई टिकाउन सक्छ कि भनेर उत्साहित छन्। कम्पनीले भारतमा ठुलो मात्रामा गाडी उत्पादन गर्छ । गत वर्ष हुन्डाईले भारतमा कुल ७ लाख ६५ हजार गाडी उत्पादन गरेको थियो ।