फेस्टिभ सिजन पछि क्रेटा फेसलिफ्टको इलेक्ट्रिक भर्सन ल्याउदै हुन्डाई

हुन्डाईले मिड साइज एसयूभी क्रेटा इलेक्ट्रिक भेरिएन्टमा ल्याउने तयारी गरिरहेको छ । मिडिया रिपोर्टका अनुसार कम्पनीले यसै वर्षको फेस्टिभ सिजन पछि यसलाई विश्वस्तरमा ल्याउन सक्ने छ । यद्यपि कम्पनीले यस बारे अहिलेसम्म कुनै आधिकारिक जानकारी दिएको छैन ।

हाल नयाँ क्रेटाको इलेक्ट्रिक भर्सन विभिन्न तरिकाबाट परीक्षण भइरहेको छ । सो एसयूभीको इलेक्ट्रिक भेरिएन्ट परीक्षणको क्रममा धेरै पटक देखिएको छ। यसको डिजाइन कम्पनीको क्रेटा फेसलिफ्ट जस्तै हुनेछ । सो एसयूभी विश्व स्तरमा लन्च गरेपछि मात्र भारतीय बजारमा लन्च हुने अपेक्षा गरिएको छ ।

परीक्षणको क्रममा देखिएको क्रेटा इलेक्ट्रिकको फ्रन्ट फेन्डर माउन्टेड चार्जिङ पोर्ट, लोगोको पोजिसनमा परिवर्तन, फ्रन्ट र रियर ब्ल्याक अफ ग्रिलका साथै १७ इन्चको अलोय ह्विल देखिएको छ । कम्पनीले क्रेटाको इलेक्ट्रिक भेरिएन्टमा आईसीई भेरिएन्टको जस्तै फिचर उपलब्ध गराउने सम्भावना छ, जसमा ३६० डिजी क्यामेरा, एडीएएस र प्यानोरामिक सनरुफ जस्ता केही फिचर समावेश छ ।

कम्पनीले यसको उत्पादन भेरिएन्टमा ५५ देखि ६० किलोवाट क्षमताको ब्याट्री उपलब्ध गराउने अपेक्षा गरिएको छ । जसका कारण एसयूभीले एकै पटक चार्जमा ५०० किलोमिटरसम्मको रेन्ज प्रदान गर्नेछ ।