नेपाल भित्रियो ७ सिटर हुन्डाई प्यालिसेड, मूल्य २ करोड बढी

काठमाडौं – हुन्डाई गाडीको नेपालका लागि आधिकारिक बिक्रेता लक्ष्मी इन्टरकन्टिनेन्टल प्रालिले नयाँ एसयूभी प्यालिसेड नेपाल भित्राएको छ । प्यालिसेड ७ सिटर प्रिमियम एसयूभी हो ।

कम्पनी स्रोत अनुसार यो कार छिट्टै नै आधिकारिक रूपमा सार्वजनिक हुनेछ । यो कार कोरियामा उत्पादन भएर नेपाल आएको हो ।

नेपाली बजारमा प्यालिसेड २.२ लिटरको डिजेल इन्जिन अप्सनमा आउने सम्भावना रहेको छ जसले २०० पीएस पावर उत्पादन गर्नेछ । यो एसयूभी ८ स्पिड अटोमेटिक ट्रान्समिसनमा उपलब्ध रहेको छ ।

नेपाली बजारमा यो एसयूभीको शुरूआती मूल्य २ करोड रुपैयाँ पर्ने अनुमान गरिएको छ ।

नेपाली बजारमा यो एसयूभीको प्रतिस्पर्धा टोयाटाको फर्चुनर, मित्सुबिशी पजेरो र फोर्डको एन्डेभरसँग हुने छ ।