मंगलबार देखि नेपालमा हुन्डाई गाडीको मूल्य बढ्ने, पहिले बुकिङ गरे पुरानै मूल्यमा उपलब्ध हुने

काठमाडौं – आगामी मार्च अर्थात आउँदो मंगलबार देखि नेपाली बजारमा हुन्डाई गाडीको मूल्य बढ्ने भएको छ । नेपालका लागि हुन्डाईको आधिकारिक वितरक लक्ष्मी इन्टरकन्टिनेन्टल प्रालिले सामाजिक सञ्जालमार्फत यो जानकारी दिएको छ ।

यो भन्दा पहिले गाडी बुकिङ गर्नेहरुले भने पुरानै मूल्यमा गाडी पाउने छन् । कुन मोडलका गाडीको मूल्य कति बढ्ने भन्ने अहिले नै जानकारी दिइएको छैन । यद्यपि नेपाली बजारमा उपलब्ध हुन्डाईका इलेक्ट्रिक कारको मूल्य भने नबढ्ने अनुमान गरिएको छ ।

नेपाली बजारमा उपलब्ध हुन्डाईका विभिन्न मोडल र मूल्य सूची यहाँ हेर्न सकिन्छ ।