हुन्डाईको उपलब्धि, ५७ वर्षमा १० करोड गाडी उत्पादन

हुन्डाई मोटर्सले उत्कृष्ट गाडी उपलब्ध गराउँदै आएको छ । हुन्डाईको गाडी बिक्रीमा कम्पनीले हालै विशेष उपलब्धि हासिल गरेको छ ।

हुन्डाई मोटर्सले १० करोड गाडी उत्पादन गरेर नयाँ कोसेढुङ्गा हासिल गरेको छ । कम्पनी स्थापना भएको ५७ वर्षमा यो उपलब्धि हासिल भएको हो । यो उपलब्धिको सम्झनामा हुन्डाई मोटरले कोरियामा रहेको आफ्नो उल्सान प्लान्टमा एक समारोहको आयोजना गरेको छ ।

सो उपलब्धि पछि आयोजित कार्यक्रममा कम्पनीले आफ्नो १० करोडौं र पहिलो गाडी आयोनिक ५ ग्राहकलाई डेलिभर गरेको थियो ।

यस अवसरमा बोल्दै हुन्डाई मोटरका सीईओ र अध्यक्ष जेहुन चाङले भने - १० करोड सवारी साधनको विश्वव्यापी संचयी उत्पादनमा पुग्नु एउटा अर्थपूर्ण कोसेढुङ्गा हो जुन यसबाट हुन्डाई मोटर छनोट र समर्थन गर्ने हाम्रा ग्राहकहरूलाई धन्यवाद दिन सम्भव भएको हो ।

हुन्डाई मोटर्स १९६७ मा स्थापित भएको थियो । त्यसपछि कम्पनीले निरन्तर विस्तार गर्दै अहिले हुन्डाई मोटर कम्पनी २०० भन्दा बढी देशमा रहेको छ । जसमा नेपाल सहित भारत, टर्की, चेक रिपब्लिक, अमेरिका, अष्ट्रेलिया जस्ता देशहरू सामेल छन्।