थ्री रो सीटमा आउने भयो हुन्डाई आयोनिक७, सार्वजनिक भयो तस्विर

आयोनिक७ को २०२४ मोडल थ्री रो सीट सहित तीन भिन्न पावरट्रेनमा आउने भएको छ । किया इभी९ संग प्रतिस्पर्धा गर्न आउन लागेको सो नयाँ इभीको तस्विर पहिलोपटक सार्वजनिक भएको छ । निकै नै आकर्षक र युनिक फिचरले सुुसज्जित रहने आयोनिक७ मा थ्री रो सीट र ५ वटा ढोका रहने जनाइएको छ ।

ई–जीएमपी प्लेटफर्ममा तयार हुने सो नयाँ इभीमा हुन्डाईले कियाको इभी७ मा प्रयोग भएको पावरट्रेन दिने जनाएको छ । जसअनुसार यसको इन्ट्रि लेवलमा ७६.१ किलोवाट अवारको व्याट्री र रियर माउन्टेड मोटर उपलब्ध हुनेछ भने यसको पावर २१५ एचपी रहनेछ ।

यसैगरी यसको अर्को रियल ह्विल ड्राइभ भेरिएन्टमा ९९.८ किलोवाट आवरको व्याट्री प्याक जडान हुने भएको छ । यो भेरिएन्टले सिंगल चार्जमा ४८३ किलोमिटर रेन्ज दिने दावी गरिएको छ । आयोनिक७ मा धेरै पावर खोज्ने ग्राहकका लागी कम्पनीले डुअल मोटर अल ह्विल ड्राइभ सिस्टम भएको भेरिएन्ट समेत ल्याउने जनाएको छ । सो भेरिएन्टको पावर ३७९ एचपी र टर्क ६९९ एनएम रहने दावी गरिएको छ ।