हुन्डाईको आयोनिक ६ आउँदै, जुलाई १४ मा सार्वजनिक हुने अनुमान

हुन्डाईले चाँडै नै आफ्नो नयाँ इलेक्ट्रिक कार हुन्डाई आयोनिक ६ लन्च गर्ने भएको छ । रिपोर्टका अनुसार आयोनिक ६ जुलाई १४ मा बुसान मोटर शोमा प्रदर्शन गरिने छ ।

हुन्डाईका अध्यक्ष चुङ यु–सनले इलेक्ट्रिक कारलाई बजारमा ल्याउनुअघि यसमा केही परिवर्तन गरिएको बताएका छन् । यसमा मुख्यतया अगाडि र पछाडिका बम्परहरूमा परिमार्जन गरिएको छ, जसले एकल चार्जमा अधिकतम रेन्ज प्रदान गर्नेछ ।

हुन्डाईले जारी गरेको टिजरमा इलेक्ट्रिक सेडानको टेललाइटको लुक देखाइएको छ । भिडियोमा कारको पछाडि कनेक्ट एलईटी टेललाइट देखाइएको छ । यो कारलाई सिसाजस्तै पारदर्शी बनाइएको छ ।

हुन्डाई आयोनिक ६ इलेक्ट्रिक ग्लोबल मोड्युलर प्लेटफर्ममा आधारित हुनेछ । यो प्लेटफर्म कियाले आफ्नो इलेक्ट्रिक कार ईभी६ को लागि पनि प्रयोग गरिरहेको छ । हुन्डाई आयोनिक ६ इलेक्ट्रिक सेडानमा ७७.४ केडब्ल्यु लिथियम–आयोन ब्याट्री समावेश गर्ने अनुमान गरिएको छ । यसमा सिंगल मोटर र ड्युअल मोटर सेटअप दुवै हुने अपेक्षा गरिएको छ ।