भारतमा टप स्पिड २३० किलोमिटर सहित हुन्डाई आई२० एन लाइन एसयूभी लन्च

हुन्डाईले आई२० एन लाइन कार भारतमा लन्च गरेको छ । यसको सुरुवाती एक्स शोरुम मूल्य ९ लाख ८४ हजार भारु तोकिएको छ । यो कम्पनीको प्रिमियम ह्याचब्याकको स्पोर्टियर भर्सन कार हो । सो कार ९.९ सेकेन्डमा १०० किलोमिटर प्रतिघन्टाको स्पिड लिने क्षमता रहेको छ । त्यसैगरी यसको टप स्पिड २३० किमी प्रतिघण्टा छ ।

नयाँ आई२० एन लाइनको एक्सटेरियर र इन्टेरियरमा स्पोर्टियर कस्मेटिक डिजाइनको साथमा सस्पेन्सन सेटअप र एक्जस्ट नोट समावेश गरिएको छ । फगल्याम्प हाउजिङ र स्पोर्टी रेड एक्सेन्टको साथमा स्पोर्टियर डुअल टोन फ्रन्ट बम्पर उपलब्ध रहेको छ । यसमा स्पोर्टियर देखिने ग्रिल चेकर्ड फ्ल्याग जस्तो डिजाइन र एन लाइन लोगो जडान गरिएको छ ।

कारमा नयाँ डिजाइनको १६ इन्चको अलोय ह्विल राखिएको छ । साथै रेड इन्सर्टको साथमा साइड सिल गार्निस समावेश गरिएको छ । कारको फ्रन्ट ब्रेक क्यालिपर्स पनि रेड कलरमा रहेको छ । कारको रियरमा डिफ्युजरको ट्विन एक्जस्ट पाइपको साथमा स्पोर्टियर बम्पर, साइड विङ्सको साथमा टेलगेट स्पोइलर र द्ुई टेलल्याम्प युनिटलाई जोड्ने डार्क क्रोम गार्निस समावेश गरिएको छ ।

सो नयाँ स्पोर्टियर कार थन्डर ब्लु, फायरी रेड, टाइटन ग्रे र पोलर ह्वाइट जस्ता ४ रङमा उपलब्ध रहेको छ । जसमा फेटम ब्ल्याक रुफको साथमा थन्डर ब्लु र फेटम ब्ल्याक रुफको साथमा फायरी रेड डुअल टोन पेन्ट विकल्पमा रहेको छ ।

कारको क्याबिनमा ओभरल ड्यासबोर्ड लेआउट रेगुलर भेरिएन्ट जस्तो रहेको छ । तर, अल ब्ल्याक इन्टेरियर रेड हाइलाइट र रेड एम्बियन्ट लाइटिङले सजावट गरिएको छ । कारमा लेदर सिटको लागि एन लोगोको साथमा नयाँ चेकर्ड फ्ल्याग डिजाइन, स्पोर्टी मेटल प्याडल, थ्री स्पोक स्टेयरिङ ह्विल र एन ब्रान्डेड लेदर गियर नब समावेश गरिएको छ ।

कारमा एप्पल कारप्ले र एन्ड्रोइड अटोको साथमा १०.२५ इन्चको टचस्क्रिन इन्फोटेनमेन्ट सिस्टम, डिजिटल इन्स्ट्रयुमेन्ट क्लस्टर, वायरलेस फोन चार्जिङ समावेश गरिएको छ । यसको साथमा क्रुज कन्ट्रोल, अटोमेटिक क्लाइमेट कन्ट्रोल, सिंगल प्यान सनरुफ र ७ स्पिकर बोस साउन्ड सिस्टम तथा नयाँ भ्वाइस रिकग्निसन फिचर समावेश गरिएको छ । यसमा सेफ्टी फिचरको लागि ६ एयरब्याग, रियरभ्यु पार्किङ क्यामेरा, अटो हेडल्याम्प, इलेक्ट्रोनिक स्टेबिलिटी कन्ट्रोल, स्टेबिलिटी म्यानेजमेन्ट, हिल असिस्ट कन्ट्रोल समावेश गरिएको छ ।