हुन्डाईको सवैभन्दा सस्तो एसयूभी एक्स्टरमा हुनेछन् यी नयाँ फीचर, जुलाई १० मा लन्च हुँदै

हुन्डाई मोटर इण्डियाले आगामी जुलाई १० मा लन्च गर्ने तयारी थालेको एक्स्टर अहिले निकै चर्चामा रहेको छ । सो एसयूभी लन्च भएपछि सव कम्प्याक्ट सेग्मेन्टमा ठूलो प्रतस्पिर्धा हुने आँकलन गरिएको छ । हुन्डाईको प्रोडक्ट पोर्टफोलियोमा सवैभन्दा सस्तो मूल्यको एसयूभी हुने कारण पनि एस्टरलाई निकै चासोका साथ प्रतिक्षा गरिएको छ । सो एसयूभी भारतमा लन्च भएपछि नेपाली बजारमा समेत आउने हुँदा नेपाली अटो पारखी समेत उत्साहित देखिन्छन् ।

एक्स्टरलाई हुन्डाईले यसअघि ग्रान्ड आई १० निओस र औरामा प्रयोग भएको प्लेटफर्मलाई सेयर गरी तयार पार्न लागेको हो । एउटै प्लेटफर्मममा तयार भएपनि सो एसयूभीको लुक्स र डिजाइन भने विल्कुलै नयाँ र फरक प्रकारको हुनेछ । सेग्मेन्टमै पहिलो पटक सिएनजी पावरट्रेनका साथ आउन लागेको एक्स्टरमा थप केही सेग्मेन्ट फस्र्ट फिचर र वाँकी नयाँ फिचर समेत दिइनेछ ।

एक्स्टरमा कम्पनीले पहिलो पटक सेग्मेन्ट फस्र्ट फिचरका रुपमा सींगल प्यानल सनरुफ समेत दिने भएको छ । जसलाई भ्वाइस कमान्ड मार्फत संचालन गर्न सकिन्छ । यो सेग्मेन्टमा यसअघि कुनै पनि व्रान्डले यस्तो फिचर दिएको थिएन ।

सनरुफ वाहेक यसमा अर्को सेग्मेनट फस्र्ट फिचरका रुपमा ड्यासक्याम समेत उपलब्ध हुनेछ । आगडीको विन्ड शिल्डमा जडान गरिने सो क्यामेराको साहायताले क्याविन भित्र र वाहिरको दृश्य रेकर्ड गरेर डिस्प्लेमा देखाउनेछ । यसरी रेकर्ड गरिएको भिडियोलाई हेर्न ड्यासवोर्डमा अर्को छुट्टै २.३१ इन्चको एलसीडी डिस्प्ले हुनेछ । हुन्डाईले यसअघि मेन्यू एनलाईनमा यस्तो फिचर दिएको थियो ।

सानो आकारको एसयूभी भएपनि एक्स्टरलाई हुन्डाईले निकै वोल्डर वक्सी डिजाइनमा तयार गर्न लागेको हो । यसको ग्रील, सी–पील्लर र टेल गेट फिचर हुन्डाईको पारामेट्रिक डिजाइन ल्यांग्वेजबाट प्रेरित रहनेछ । सो एसयूभीमा उपलब्ध हुने स्प्लिट हेडल्याम्प, एलइडी डेटाईम रनिङ ल्याम्प र एच आकारको टेल लाइट निकै आकर्षक देखिनेछ । साथै यसको ह्विल आर्क र डोरमा पर्याप्त क्लाडिङ पाउन सकिनेछ ।

१.२ लिटरको पेट्रोल इन्जिन जडान हुने सो एसयूभीले ८३ एचपी पावर र ११४ एनएम टर्क जेनेरेट गर्नेछ । यसमा ५ स्पिड म्यानुअल र एएमटी ट्रान्समिसनको विकल्प पाउन सकिनेछ ।