हुन्डाई क्रेटामा एड्भान्स ड्राइभर असिस्टेन्स सिस्टम(अडास) थप हुने

हुन्डाई मोटर्स इन्डियाले आफ्नो लोकप्रिय एसयुभी क्रेटामा नयाँ सेफ्टि फिचर्स थप गर्ने संभावना देखिएको छ । न्यू जेनेरेशन टुसान र आयोनिक ५ मा प्रयोग भैसकेको एड्भान्स ड्राइभर असिस्टेन्स सिस्टम(अडास) लाई कम्पनीले क्रेटासंगै अल्काजारमा समेत थप गर्न सक्ने अनुमान गरिएको हो । यो फिचर्स थप भएपछि यी एसयुभी थप सुरक्षित बन्नेछन् । भारतमा हाल महिन्द्राले एक्युभी ७०० र एमजीले एस्टर एसयुभीमा यो प्रबिधीलाई प्रयोगमा ल्यइसकेका छन् ।

अडासको साथै हुन्डाइले यी दुबै एसयुभीमा ६ वटा एयर ब्याग, इलेक्ट्रिोनिक स्टाबिलिटी कन्ट्रोल(इएससी), भेहिकल स्टाबिलिटी म्यानेज्मेन्ज(भिएसएम) र आइएसओफिक्सलाई समेत अनिबार्य गर्न लागेको छ । यी फिचर्सलाई कम्पनीले निकट भविष्यमै लन्च गर्न गैरहेको फेसलिफ्ट मोडलमा उपलब्ध गराउने संभावना देखिएको छ ।

यसको साथै एडप्टिभ क्रुज कन्ट्रोल, लेन किप एसिस्ट, हाई बिम एसिस्ट, ट्राफिक साइन रिकग्निसन, अटोमेटिक इमर्जेन्सि ब्रेकिङ, ड्राइभर ड्रोजीनेस डिटेक्सन र ब्लाइन्ड स्पट एसिस्ट लगायत फिचर्स समेत यी दुई मोडलको फेसलिफ्ट मोडलमा थप हुने अनुमान गरिएको छ । २ बर्षमित्रमा हुन्डाई भेन्यूमा समेत यी फिचर्स थप हुने आँकलन गरिएको छ ।