जनवरी २०२५ मा हुन्डाई क्रेटाको बिक्रीमा उछाल, क्रेटा इलेक्ट्रिकको चल्यो जादु

भारत मोबिलिटी ग्लोबल एक्सपो २०२५ मा हुन्डाई क्रेटा इलेक्ट्रिक लन्च गरिएको थियो । यो कम्पनीको पहिलो भारतमा बनेको इलेन्ट्रिक एसयूभी हो । सो एसयूभीको कारणले पनि २०२५ को पहिलो महिनामै हुन्डाईको बिक्रीमा उछाल आएको छ ।

हुन्डाई मोटर इन्डिया लिमिटेडले जनवरी २०२५ मा कुल ६५ हजार ६०३ युनिट बिक्री गरेको छ । यसमा कुल ५ हजार ४०३ युनिट घरेलु बजारमा बिक्री भएको छ भने ११ हजार ६०० युनिट निर्यात भएको छ । कम्पनीको सबैभन्दा बढी बिक्री हुने एसयूभी हुन्डाई क्रेटा १८ हजार ५२२ युनिट बिक्री भएको छ, जुन एक महिनामा सबैभन्दा बढी बिक्री भएको छ।

निर्यातमा अघिल्लो वर्षको तुलनामा १०.५ प्रतिशत बढोत्तरी भएको छ । तर भारतीय बजारको बिक्रीमा ५.४४ प्रतिशत गिरावट भएको छ । अघिल्लो वर्षको समान अवधिमा ५७ हजार ११५ युनिट बिक्री गरिएको थियो ।

हुन्डाई क्रेटा इलेक्ट्रिक एक पटक चार्जमा ४७३ किलोमिटर रेन्ज दिने दाबी गरिएको छ । यसमा ७५ भन्दा बढी सेफ्टी फिचर सहित सिंगल प्याडल ड्राइभिङ, प्यानारोमिक सनरूफ, लेभल टु एडास, शिफ्ट-बाय-वायर प्रविधि समावेश गरिएको छ । यसमा भेइकल टु लोड प्रविधि पनि समावेश छ ।