नाइट एडिसनमा आयो हुन्डाई क्रेटा, मूल्य ६४ लाख ९६ हजार

काठमाडौं – नेपालका लागि हुन्डाईको आधिकारिक वितरक लक्ष्मी इन्टरकन्टिनेन्टलले हुन्डाई क्रेटाको नाइट एडिसन उपलब्ध गराएको छ । एस प्लस भेरिएन्टको सो गाडीको मूल्य ६४ लाख ९६ हजार रुपैयाँ तोकिएको छ ।

नेपाली बजारमा उपलब्ध हुन्डाई क्रेटाको यो नयाँ भेरिएन्ट हो । यो एस र एसएक्स भेरिएन्ट बीचको लाइनअपमा रहने छ ।

हुन्डाई क्रेटा नाइट एडिसनको धेरै भागमा रेड इन्सर्ट सहितको ब्ल्याक फिनिस उपलब्ध छ । यसको अघिल्लो भागमा रेड इन्सर्ट सहितको पियानो ब्ल्याक रेडिएटर ग्रिल रहेको छ । गाडीलाई स्पोर्टी देखाउनका लागि रेड क्यालिपर सहितको ब्ल्याक फिनिस अलोय ह्विल दिइएको छ ।

गाडीको इन्टेरियर पनि रेड इन्सर्ट सहितको फुल ब्ल्याक कलरमा उपलब्ध छ । त्यसैगरी एलईडी हेडल्याम्प र टेलल्याम्प रहेको छ ।

फ्रन्ट तथा साइड कर्टेन एयरब्याग, रियर डिस्क ब्रेक, स्मार्ट पानोरामिक सनरुफ, भेइकल स्टेबिलिटी म्यानेजमेन्ट, हिल असिस्ट कन्ट्रोल, इलेक्ट्रोनिक स्टेबिलिटी कन्ट्रोल लगायतका विभिन्न सेफ्टी फिचर समेत यसमा उपलब्ध छन् ।

यससँगै नेपाली बजारमा हुन्डाई क्रेटा पेट्रोलको ८ भेरिएन्ट र डिजेलमा ३ भेरिएन्ट उपलब्ध हुने भएका छन् ।