धनगढीमा सार्वजनिक भयो क्रेटा ईभी, ग्राहकसँग अन्तरक्रिया

धनगढी - हुन्डाईको नेपालका लागि आधिकारिक वितरक लक्ष्मी इन्टरकन्टिनेन्टल प्रालिले धनगढी क्षेत्रमा नयाँ क्रेटा ईभी सार्वजनिक गरेको छ । साथै कम्पनीका प्रतिनिधिहरुले सो अवसरमा हुन्डाई ग्राहकसँग अन्तरक्रिया तथा छलफल पनि गरेका छन् ।

नयाँ क्रेटा ईभीको आगमनले विद्युतीय सवारीबारे दुविधा भएका ग्राहकलाई स्पष्ट निर्णय लिन सजिलो बनाउने कम्पनीले विश्वास लिएको छ । धेरैलाई ईभी खरीद गर्दा स्पेयर पार्ट्सको उपलब्धता, सेवा शुल्क र दीर्घकालीन ब्रान्ड सपोर्टको विषयमा शङ्का हुने गरेको तर ढुक्कसँग हुन्डाई खरिद गर्न सकिने कम्पनीले जनाएको छ । हुन्डाई नेपालले देशमै क्रेटा आइसी, पेट्रोल मोडलको निर्माण कार्य थालिसकेको र क्रेटा ईभी तथा आइस दुवै मोडलमा एउटै प्लेटफर्म प्रयोग हुने भएकाले गाडी खरिद पछिको सेवा सुविधामा अब कुनै पनि समस्या नहुने कम्पनीले जनाएको छ ।

लक्ष्मी हुन्डाईले ईभी इकोसिस्टमलाई अझै मजबुत बनाउन चार्जिङको नेटवर्क विस्तार गरिरहेको बताइएको छ । जस अन्तर्गत अहिले नै देशभरका विभिन्न ठाउँहरुमा रिल्याक्स डिसी एसी ६६ चार्जर सुचारु भइसकेको बताइएको छ । यसले गर्दा ग्राहकलाई हुन्डाईको पेट्रोल (आइस) र ईभी कुनै पनि गाडी खरिद गर्दा सेवा, पार्ट्स र सपोर्टमा कुनै किसिमको कमी नहुने दाबी कम्पनीले गरेको छ ।

नेपालभर यो सन्देश फैलाउन कम्पनीको उच्च व्यवस्थापन टोली देशका विभिन्न सहरमा डिलरहरूसँग प्रत्यक्ष भेटघाट गरिरहेको छ । सोही अभियान अन्तर्गत कम्पनीले ११ असारमा दिनेश फोर ह्विल्स प्रालि (हुन्डाईको आधिकारिक डिलर) को आयोजनामा होटल फ्लोरा, छटकपुर, धनगढीमा आयोजित विशेष भेटघाट कार्यक्रममा नयाँ क्रेटा ईभी सार्वजनिक गरेको थियो । जहाँ क्रेटा ईभी सहित हुन्डाईका अरु नयाँ मोडलहरू पनि प्रदर्शन गरिएको थियो ।

लक्ष्मी इन्टरकन्टिनेन्टल प्रालि अन्तर्गत दिनेश फोर ह्विल्स प्रालि धनगढीको संयुक्त आयोजनामा भएको कार्यक्रममा सहभागीहरुप्रति कम्पनीले हार्दिक आभार व्यक्त गरेको छ । कम्पनीले राष्ट्रको सफा र स्मार्ट भविष्यतर्फको यात्रालाई अगाडि बढाउँदै देशभर रहेका आफ्ना ग्राहकसँगको सम्बन्धलाई थप बलियो बनाउने अठोट व्यक्त गरेको छ ।