टोयोटा पछि दोस्रो धेरै नाफा आर्जन गर्ने ब्राण्ड बन्यो हुन्डाई

हुन्डाई समुह टोयोटापछि दोस्रो धेरै नाफा आर्जन गर्ने अटो निर्माता बनेको छ । हुन्डाई समहुले सन् २०२४ को पहिलो त्रैमासिकमा सञ्चालन मुनाफाको हिसाबले फक्सवागन समूहलाई उछिनेको हो ।

दक्षिण कोरियाली कार निर्माताले ५.०९ बिलियन अमेरिकी डलर दर्ता गरी विश्वव्यापी अटोमोटिभ उद्योगमा दोस्रो उच्च अपरेटिङ नाफा दर्ता गरेको जनाइएको छ । फक्सवागन ४.९४ बिलियन डलरको साथ तेस्रोमा झरेको छ । जापानी कार निर्माताले सोही अवधिमा ७.१५ अर्ब डलरको सञ्चालन नाफा दर्ता गरेको छ ।

कोरियामा सार्बजनिक प्रतिवेदन अनुसार हुन्डाईले १०.४% को उच्चतम नाफा मार्जिन राख्ने गरेको छ । जवकी यो नाफा टोयोटाको १०% मात्र छ । नाफा मार्जिनमा कम्पनीले जीएम, फक्सवागन र रेनो–निसान–मित्सुबिशी एलायन्स जस्ता कार निर्माताहरूलाई पनि पछि पारेको हो ।