हुन्डाईले ग-यो सस्तो एसयूभी ल्याउने घोषणा, टिजर सार्वजनिक

हुन्डाईले भारतीय बजारमा छिट्टै नयाँ र सस्तो एसयूभी कार लन्च गर्ने घोषणा गरेको छ । नयाँ कारले टाटा पन्च, निसान म्याग्नाइट, सुजुकी स्विफ्ट र वागनआरसँग प्रतिस्पर्धा गर्नेछ ।

हुन्डाईले सो एसयूभीको कोडनेट एआई३ राखेको छ र यसको टिजर सार्वजनिक गरेको छ । हुन्डाईले सो नयाँ एसयूभी यो वर्षको अन्त्यसम्ममा लन्च गर्ने पुष्टि गरेको छ । सो एसयूभी परीक्षणका क्रममा पनि देखिएको थियो । यद्यपि कम्पनीले नयाँ एसयूभीको बारेमा आधिकारिक रुपमा केही खुलाएको छैन ।

सो एसयूभी ग्रान्ड आई१० नियोस भन्दा महँगो र भेन्यु भन्दा सस्तो हुनेछ । झट्ट हेर्दा सो कार क्यास्परसँग मिल्दोजुल्दो देखिन्छ । हुन्डाई एआई३ ग्रान्ड आई१० नियोसकै प्लेटफर्म उपलब्ध हुने सम्भावना छ ।

नयाँ हुन्डाई एसयूभीमा पावरको लागि १.२ लिटर नेचुरली एस्पिरेटेड पेट्रोल इन्जिन जडान गरिने छ । यो इन्जिनले ८२ बीएचपी पावर र ११३ एनएम टर्क जेनेरेट गर्छ । यो ५ स्पिड म्यानुअल गियरबक्स वा ६ स्पिड एएमटीमा उपलब्ध हुनेछ । यसमा सनरुफ बाहेक अन्य आधुनिक फिचर हुनेछ ।