हाइब्रिड कार भनेको के हो ? कसरी काम गर्छ ? फाइदा के ?

पेट्रोल र डिजेलको मूल्य बढेको युगमा कारको माइलेज सबैका लागि चिन्ताको विषय बनेको छ । यसैलाई मध्यनजर गर्दै अब कार कम्पनीहरूले माइल्ड हाइब्रिड र हाइब्रिड प्रविधिका कार लन्च गर्न थालेका छन् । केही दिनपछि लोकप्रिय कार निर्माता कम्पनी होन्डाले पनि आफ्नो होन्डा सिटीको हाइब्रिड मोडल सार्वजनिक गर्न लागेको छ ।

हाइब्रिड पूर्णतया नयाँ प्रविधि हो । पछिल्लो समयमा धेरै कम्पनीहरुले हाइब्रिड प्रविधिका कार बजारमा ल्याउने तयारी गरिरहेका छन् । यो अवस्थामा हाइब्रिड प्रविधिको वारेमा जान्नु लाभदायक हुन्छ ।

हाइब्रिड कार के हो ?
हाइब्रिड भन्नाले कुनै दुईवटा वस्तु मिलाएर बनाएकोलाई बुझिन्छ । कारको हकमा, हाइब्रिड भनेको दुई प्रकारको इन्धनमा चल्ने कार हो । हाल बजारमा उपलब्ध हाइब्रिड कारमा पेट्रोल–डिजेल इन्जिनका साथै विद्युतीय मोटर र ब्याट्री प्रयोग गरिन्छ ।

हाइब्रिड कारले कसरी काम गर्छ ?
हाइब्रिड कारमा एउटा पेट्रोल–डिजेल र एउटा विद्युतीय मोटर प्रयोग हुन्छ । यी दुईे मिलेर टायर घुमाउने काम गर्छन् । यसले पेट्रोलको मूल्य घटाउँछ र माइलेज बढाउँछ ।

हाइब्रिड कारमा सेल्फ चार्जिङ टेक्नोलोजीले रिजेनेरेटिभ ब्रेकिङ मार्फत काम गर्छ, जसले कार भित्रको ब्याट्रीमा पावर फिर्ता पठाउँछ । यसले कार चार्ज नगरी ब्याट्री चार्ज गर्छ । अर्थात् यो कार इन्धन र बिजुली दुवैमा चल्न सक्छ ।

यसबाहेक, यो ब्याट्रीले कारको ती भागहरूमा बिजुली पु¥याउँछ, जहाँ यसका लागि पहिले इन्धन खर्च गरिएको थियो ।

के छ फाइदा ?
हाइब्रिड कारहरूको सबैभन्दा राम्रो कुरा भनेको हाइब्रिड कारहरूले सामान्य कारहरू भन्दा बढी माइलेज दिन्छ । दोस्रो, इन्धन सकिएपछि पनि यी कारहरू केही दूरीसम्म चलाउन सकिन्छ । यो विद्युतीय मोटर र ब्याट्रीको सहयोगमा केही किलोमिटरसम्म सजिलै चल्न सक्छ ।

हाइब्रिड कारले कम प्रदूषण गर्छ । हाइब्रिड कारहरू इलेक्ट्रिक कारहरू भन्दा सस्तो छन् अर्थात् तिनीहरूको मूल्य सामान्य कारहरू जस्तै छ ।

हाल भारतमा यी महँगो लक्जरी कारहरूमा यो प्रविधि उपलब्ध छ । तर, अब मारुती सुजुकी र होन्डा जस्ता कम्पनीहरूले पनि आफ्नो माइल्ड हाइब्रिड कार सियाज लन्च गरेका छन् भने होन्डाले सिटीको हाइब्रिड मोडल ल्याएको छ ।