होन्डा एक्सआर १९०एलको नयाँ ग्राफिक्सले लोभ्याउँदै, मूल्य ७ लाख ७० हजार

काठमाडौं – नेपाली बजारमा उपलब्ध होन्डाको डर्ट बाइक एक्सआर १९०एलको नयाँ ग्राफिक्स अहिले धेरैले रुचाएको पाइएको छ । पहिले भन्दा थप नयाँ ग्राफिक्समा केही समय देखि नेपाली बजारमा यो मोटरसाइकल उपलब्ध हुन थालेको हो ।

डर्ट बाइक प्रेमीहरुले निकै नै रुचाउने यो मोटरसाइकल एड्भेन्चरका लागि विशेष उपयुक्त छ ।

स्ट्रेन्थ, एजिलिटी, इकोनोमी र मोर पावर गरी चार विशेष गुणले सुसज्जित यो मोटरसाइकललाई एक्सआर फेमिलीमा हुने विशेष ‘ड्युआलिटी’ गुण भएको मोटरसाइकल मानिन्छ । यसका कारण यसलाई सहरी र अन्य सबै सडकमा कुदाउन सकिन्छ । दैनिक जीवन वा सप्ताहन्तमा छुट्टी मनाउन जानेहरुका लागि समेत यो मोटरसाइकल निकै नै उपयोगी छ ।

यो मोटरसाइकलमा भएको पीजीएम–एफआई इन्जिनले इन्जिन डाटाको आधारमा सिलिन्डरमा उपयुक्त मात्रामा इन्धन पु-याउछ । १२ लिटरको इन्धन ट्यांकी भएकाले लामो दुरीको यात्रा बिना कुनै झन्झट गर्न सकिन्छ ।

२४५ एमएमको उच्च ग्राउण्ड क्लियरेन्सका कारण बाइकलाई जस्तोसुकै अफरोडमा समेत सहजताका साथ कुदाउन सकिन्छ । सबै उचाइका चालकहरुलाई उपयुक्त हुने गरी यसमा ८२३ एमएम हाइटको सिट राखिएको छ ।

यो मोटरसाइकलमा भएको १८४.४ सीसी एयरकुल्ड, सिंगल सिलिन्डर एसओएचसी इन्जिनले १५.६ एचपी पावर र १५.७ एनएम टर्क जेनेरेट गर्छ ।

पछिल्लो भागमा राखिएको स्टिल क्यारियरमा आवश्यकता अनुसार विभिन्न सामान राख्ने टप बक्सलाई पोजिसन गर्न सकिन्छ । यसको सहयोगले करिब २० किलोग्राम सम्मको सामान पछिल्लो भागमा राख्न सकिन्छ । अफरोड राइडिङमा सहजताका लागि यसमा क्रसबार डिजाइनको ह्यान्डल बार राखिएको छ, जसको सहयोगले कमान्डिङ राइडिङ पोजिसन तथा इन्स्ट्रयुमेन्ट क्लस्टर पनि फुल भ्यु गर्न सकिन्छ ।

होन्डा एक्सआर १९०एल नेपाली बजारमा स्याकार ट्रेडिङले बिक्री–वितरण गरिरहेको छ । यसको मूल्य ७ लाख ६९ हजार ९ सय रुपैयाँ तोकिएको छ ।