होन्डाको नयाँ अपडेटेड मोटरसाइकल एसपी १२५ : यस्ता छन् विशेषता

होन्डाले अपडेटेड एसपी १२५ भारतमा लन्च गरेको छ । कम्पनीले यसमा फुल्ली डिजिटल मिटर र बीएस६ फेज–२को नयाँ उत्सर्जन मापदण्डअनुसार ओबिडी–२ कम्प्लायन्ट इन्जिन दिएको छ । यो बाइक ई–२० पेट्रोलमा पनि चल्नेछ ।

कम्पनीले यो बाइक २ भेरिएन्टमा लन्च गरेको छ । बाइक ड्रम ब्रेक र डिस्क ब्रेक रहेको छ । सो बाइकले हिरो ग्ल्यामर, हिरो सुपर स्प्लेन्डर, होन्डा साइन, टीभीएस राइडरसँग प्रतिस्पर्धा गर्नेछ । बाइकमा इम्पेरियल रेड मेटालिक, ब्ल्याक, म्याट एक्सिस ग्रे मेटालिक, पर्ल साइरन ब्लु र म्याट मार्भल ब्लु मेटालिक कलर विकल्प उपलब्ध छ ।

बाइकमा १२३.९४ सीसी सिंगल सिलिन्डर, एयरकुल्ड, फ्युल इन्जेक्टेड इन्जिन छ, जसले १०.७ बीएचपी पावर र १०.९ एनएमको टर्क जेनेरेट गर्छ । सो इन्जिन ५ स्पिड म्यानुअल गियरबक्ससँग ट्युन गरिएको छ ।

होन्डा एसपी १२५ मा इन्जिन स्टार्ट–स्टप स्विच, एलईडी हेडल्याम्प, पासिङ स्विच र इन्टिग्रेटेड हेडल्याम्प बिम जस्ता अन्य फिचर पनि छ । बाइकमा रियर सस्पेन्सनसँगै कम्बी ब्रेक सिस्टम पनि रहेको छ ।

बाइकमा टायरको चौडाइ १०० एमएमले बढाइएको छ । यसमा पीजीएम–एफआई प्रविधि प्रयोग गरिएको छ, जसका कारण बाइकको माइलेज अझ बढी हुनेछ ।