होन्डा नयाँ बाइकको टिजर सार्वजनिक ग-यो, हन्टर ३५० लाई कडा प्रतिस्पर्धा दिने

होन्डा बिगविङले नयाँ बाइकको टिजर सार्वजनिक गरेको छ । सो बाइकले रोयल इन्फिल्डको नयाँ हन्टर ३५० बाइकसँग प्रतिस्पर्धा गर्ने बताइएको छ । यो बाइक अगस्ट ८ मा लन्च हुनेछ भने त्यसको १ दिन अगाडि हन्टर बाइक लन्च गर्ने योजनामा छ ।

होन्डाले टिजरमा सो मोडलको पूर्ण जानकारी नदिए तापनि यो अर्बन बाइकको लाइट भर्सन हुने अनुमान गरिएको छ । यसमा एडजेस्टेबल विन्डस्क्रिन, एलईडी लाइट, किलेस इग्निसन, डिजी–एनालग, इन्स्ट्रयुमेन्ट क्लस्टर, यूएसबी चार्जर र १७ इन्चको अलोय ह्विल हुने अपेक्षा गरिएको छ ।

होन्डाले आफ्नो नयाँ बाइकमा रोयल इन्फिल्डसँग प्रतिस्पर्धा गर्न सक्ने ३५० सीसीको उत्कृष्ट इन्जिन दिने अपेक्षा गरिएको छ । रोयल एनफिल्ड हन्टर ३५० मा भने ३४९ सीसी सिंगल सिलिन्डर एयरकुल्ड इन्जिन हुनेछ, जसले २०.२ बीएचपी पावर र २७ एनएम टर्क जेनेरेट गर्छ ।

उक्त टिजरमा “फास्टर एस्कलरेशन“ भन्ने ट्याग पनि उल्लेख गरेको छ, जसले हल्का र कम रोलिङ प्रतिरोधका साथ राम्रो प्रदर्शन गर्न सक्छ भन्ने संकेत गर्छ ।