होन्डाले तयार पार्यो क्रेटासंग प्रतिस्पर्धा गर्न नयाँ मिड साइज एसयुभी आरएसको कन्सेप्ट

जापनीज अटो मेकर होन्डाले मिड साइज एसयुभीमा प्रतिस्पर्धा गर्न नयाँ एसयुभी आरएसको कन्सेप्ट सार्बजनिक गरेको छ । हुन्डाई क्रेटासंग प्रतिस्पर्धा गर्ने गरि डिजाइन गरिएको उक्त एसयुभीलाई कम्पनीले होन्डाको भबिष्य परिबर्तन गर्ने मोडल भनेको छ । यो नयाँ एसयुभीको कन्सेप्ट हालै इन्डोनेशियामा सार्बजनिक गरिएको हो । भारतीय बजारका लागि उपयोगी फिचर्स समाबेश गरिएका कारण यो एसयुभीलाई कम्पनीले भबिष्यमा भारतीय बजारमै बढी केन्द्रित गर्ने देखिएको छ ।

यो नयाँ एसयुभीको स्टायल यसअघिका एचआर–भी र बिआर–भी मोडलबाट प्रेरिरत रहेको होन्डाले जनाएको छ । ५ सिटर यो एसयुभी होन्डा ब्रान्डको ग्लोबल लाइन अपमा एचआर–भी भन्दा तल रहने छ । ४.३ मिटर लम्बाई रहने अनुमान गरिएको यो एसयुभीको ह्विल बेश भने सेडान कार सिटी सरह नै हुने बताइएको छ ।

सेडान कार सिटीमा जडान गरिएको १.५ लिटरको पेट्रोल इन्जिनलाई नयाँ एसयुभीमा जडान गर्ने सम्भावना देखिएको छ । यो एसयुभी ५ स्पिड म्यानुअल र सिभिटी अटोमेटिकमा उपलब्ध हुनेछ ।