होन्डा कारमा हुवावेको इन्टेलिजेन्ट ड्राइभिङ सिस्टम

काठमाडौं– जापनिज अटो ब्रान्ड होन्डाले चीनमा निर्मित आफ्नो कारमा पहिलोपटक हुवावे इन्टेलिजेन्ट ड्राइभिङ सिस्टम प्रयोग गर्ने भएको छ । होन्डाले चिनियाँ बजारकै लागि भनेर ल्याएको दुई नयाँ ईभी मोडल वाई एस७ र वाई पी७ मा सो सिस्टम राख्न लागेको हो ।

होन्डाले चीनमा डोङफेङसंग साँझेदारी गरी वाई एस७ तथा जीएसीसंग मिलेर वाई पी७ उत्पादन गर्दै आएको छ । यी दुबै मोडलले जापजिन लगानीकर्ताको विश्वास जित्न नसकेपछि होन्डाले हुवावेसंग सहकार्य गर्न मद्धत मागेको जनाइएको छ ।

दुबै मोडलमा यसअघि पनि हुवावेले इन्टेलिजेन्ट ककपिटका लागि होन्डासंग सहकार्य गरेको थियो । यद्यपी इन्टेलिजेन्ट ड्राइभिङ सिस्टम भने होन्डाको आफ्नै प्रयोग गरिएको थियो ।

हुवावे चीनको सबैभन्दा ठूलो ड्राइभिङ एसिस्टेन्स सिस्टम सप्लार समेत हो । चीनको सबैभन्दा ठूलो टेक कम्पनीका रुपमा समेत चिनिने यस कम्पनीले हाल डोङफेङ, चांगन, जीएसी, बिएआईसी, सेरेस, चेरी र जेएसी जस्ता अटो उत्पादकलाई आफ्नो इन्टेलिजेन्ट ड्राइभिङ सिस्टम सप्लाई गर्दै आएको छ ।